عين المواجع ..!
و..الملم ما بقالي من أحاسيس وأجي مكسور
وحيد ولا على بالي سوى إنسان ناسيني!
وأطيح ويذبل بعيني صباح ما يفز بنور
وأنادي يا عناويني وأنادي يا عنا... ويني!؟
ثلاث سنين من عتمة ظلامك.. يا ضيا الديجور
يموتك حلم وتموتك سحايب من ورى عيني!
وبيدي حلم غناه الزمان وطار به عصفور
يزفه للغمام اللي تهجا رحلته فيني!
واتمتم "هي هنا كانت" وينبت للحنين شعور
وأتمتم "ليت ما كانت" وأضيع ولا ألاقيني!
وادورني ورى جرحي وتزهر في حشاي قبور
وأكفن عورة همومي وأدور منهو يرثيني!
هنا كان المسا بارد حزين ومكتئب مقهور
هنا! والا هنا! والا هنيا صرت مابيني!
أنا ما طحت من عين المواجع يوم أنا مكسور
أنا من كثر ما فيني مواجع.."طحت من عيني
|