ليلة وداعي

حبيبي إبتسم ..خلك ..من الدنيا ومافيها
أبسمع منك الضحكة .. ولحن يطرب أسماعي


أبيك اليوم بحضورك ..ليال الشوق .. تحييها
وتسقي من كرم غيثك .. مآسي عطشت .. قاعي


تغار الشمس من بارق لمع من فوق .. خديها
ويغار الليل لاشاف الشعر طايح .. على ذراعي


تمنى واهدم الأحلام لعيونك .. أنا ابنيها
تمنى لو تبي قلبي يجيلك للأمر .. ساعي


هلابك فكرة الشاعر إذا حن .. لقوافيها
هلابك مقصد عيوني .. كمال .. ومنطقك واعي


أنا قبل ابتدي جيتك .. ودنيا الخوف .. ناسيها
دفنت الجرح وآلامه ... قتلت الياس واوجاعي


أنا جيتك رجل نشمي .. وهامة عز .. معليها
أنا ماجيتك مخادع .. كذوب .. ولابس قناعي


أنا جيتك قراح المي .. ونية خير .. ناويها
أنا ماجيتك .. الحاقد .. وابروي منك .. أطماعي


همومك كلها يمي .. أبيك الحين .. ترميها
لأن هموم هالدنيا .. لمثلك .. مالها داعي


تمني واطلبي .. روحي .. تجي روحي .. وراعيها
تحت أمرك .. ولايمكن بوجهك .. أرفع اصباعي


مادام إن القمر .. ساهر .. وشمسك ذايب فيها
أبشكر خالقي .. لانه .. جمعكم .. ليلة وداعي