ياموت .. خاف الله فينا .. وبعدين !
..... تاخذ ( فهد ).. من بدة الناس.. بالذات !!؟
مريت تاخذ سيدي .. صبح الاثنين
..... ماتدري إنا .. عقب مامات .... أموات ..!؟
يعني عشانه ( لذة ) الناس والدين !!؟
..... أنا اشهد إنك صدق ..../ .. هدام لذات !!
فهد يموت !! .... الله ياكبر هالبين ..
..... قولوا لي .. تحلم ! أو مجرد إشاعات !!!
اللي كفوفة غيمة .. للمساكين ..
..... لا والله إلا للخلايق ..../ .. سحابات ..
لو كان يعطى من عدد عمرنا سنين
..... نعطيه .. مانبخل ... / ورب السموات ..
إمنين ابلقى دمع ! بالله .. ومنين !؟
..... بلقى لحزني عقب هذي ... نهايات !؟
آه .. و.. آه و..آه ...آه ..... وآهين ..
..... شفنا .. غدينا كلنا ... شعب آهات !
ياقلب ون وهاتي الدمع .. ياعين ..
..... ياروح ...جري عقب ماراح .. ونات !
للحين لا والله ... وربي من الحين !
..... ببكيه لين تجف بالعين .... دمعات ..
تبكيه ( نجد ) وتذرف الدمع ( دارين )
..... وتبكيه ( حايل ) مع .. جبال السراوات ..
شقول ؟ لانادت ( فهدها ) .. فلسطين !؟
..... هيهات يرجع ! لاتنادين .. / هيهات !!
استغفر الله لو بقول إنها ... الحين ..!
..... تبكي عشانه دم ! وتقول : .. مامات !
يالله تغفر للملك : قولوا ... آمين ..
..... وينعم بعطف من .. جلالك ... وجنات !
اللهم آمين
نبكي عشانه دم ! ونقول .. مامات !
|