وين كانت !؟
ياصباح اعيونها اللي يحتريني ..
قبل هذا اليوم ... قلي وين كانت !؟
طفلة آشوفها.... بيني وبيني !
وين مالديت .. بالأنظار .... بانت
طفلة ترحل معي وتحل .. فيني
في سبيل الحب ما لحظه .. توانت !
جيتها ماشوفها ! من دمع عيني !
أشتكي دنيا قست مايوم ... لانت !
قلت مدري وش أبي ! لكن عطيني !
وامسحت دمعي وقالت : أص هانت !
جيتها ترجف من اللهفة يديني
ورحت ولسان الخفوق يقول زانت
علمتني بالغياب .. انشد حنيني !
واذكر إنه قالي : كانت .. وكانت !
طفلة أشوفها .. بيني .. وبيني !
وين مالديت بالأنظار ..... بانت
|