[TABLE1="width:70%;background-color:black;"]

وش فيك يالفــاتن المجمــول

مبعد وأنا حـاسب إحســابــك






دون الوصل ماوراك إحلول

وأيــام عمــري علـى بـابـك






وقـتٍ جمعـنــا وراه يــزول

ممدانـي أضحك مع أهدابـك






ممداني أسمع حكي معسـول

عهــدي بكـلمـه مـن أكذابـك






مقفـي وأنــا ليـلك المســدول

أسهرك مشتـاق وأسهـى بـك






إن دوّرت لك عيـونـي زول

جبت الصور ترفض إغيابك






ظـامـي عقب ريقـي المبلول

وأنــا مـن إسنـيــن طـلّابــك






صوتي وصل سدرة الغرمول

يرجع صـدى صوت مخلابـك






بســألك دام الســؤال إيجــول

فـإن طــال صمتك أبغتــابــك






عن دمعتي من هو المسؤول

من عـرّف الرّيـح بـأسرابـك






شحّـك علـى ليـلك المـفلـول

وإلّا لأنّــي مـن أحـبــابـــك






وإلّا عشآن الظروف إتحول

قلت الزمـن شـحّ مـاجـابــك






عطني عذر يالغضي مقبول

إن مـتّ عقبـه أو أحيـى بـك






جسمي ثنـاه الهوى لك طول

فإن طاح جسمي من أسبابك












بقلمي/ سلطان الشوق..