كل ماحاولت افرق بين حبك وانكساري
القى اني ما انكسرت الا لاني كنت احبك
ليت تجريحك بكيفي ليت نسيانك قراري
ليتني اقدر اغيّر شي ويرضى فيني قلبك
بين اخبي حزن قلبي وبين ابي رد اعتباري
ضعت مدري وين اروح بقلب ماتبغاه قربك
وجهي اللي في المرايا ينتظر مني اعتذاري
ظلي المنسي سألني ليه هو منسي بدربك
انا حبيتك من اللّٰه انت ما كنت اختياري
ماهو ذنبي اني احبك وادري انه ماهو ذنبك
في ليالي الخوف شفتك نجم لما كنت ساري
ليتني راضي بخوفي ووحدتي وما قلت احبك

كلمات: خالد الكيادي