يطري عليه الوله وأطري على باله

يا مرحبا لاضوى خلي على بابي



هجيت حدب الضلوع ونوخ جماله

لاجله بكت دمعتي ولأجله ضحك نابي

وكل ما ضحك لي لمحت النور في آماله

والى تجهم سترت السقم بثيابي



كل ما شكا من عنى همه وغرباله

أقول لعل به جرح من أسبابي

طال الحكي ما لقيت الوصل بوصاله

لاني حبيبه ولا هو أقرب اصحابي



ناديت كانك حزين وحالتي حاله

بكفيك همك وأنا بصبر على مابي

لو الشجر له نصيب في بارد ظلاله

ما حرق القيظ جفني وأنت فـ أهدابي



كلمات: بدر بن عبدالمحسن

منقول