. <{ الحياة لا تنتظر }> .
ألا ياللي في النوم غاطسيني
اصـحوا غـيركم يجمع المـال

إلى متى بلا شغله جـالسيني
اسعوا ترى ماتجيكم الأعمال

واتركوا الفلسـفة يادارسيـني
وارجعوا لي ترى البعد بهذال

قال مستحيل انساك ياسيني
والسـعـادة في القـلب تنقــال

آه مادام إنك ماأنت بناسيني
تكفى حـول لي المليون ريال

احطها عـنـد رأسي تواسيـني
اصرفها على كيفي بلا إهمال

ماهي عطا ولا سلف راسيني
أنا أتمـل والله يحـقق الآمـال

سنين ما نطق بكلمة داسيني
لساني ذرب واتجاهل الجهال

حسوا بي لا تقولون حاسيني
ترى نبـــع المحـبة ماله جــال

لا لا تقول بالمعروف كاسيني
اوزن الكلمة وتكلم بإعـتـدال

آه اليوم تبين إنكم ناحسيني
ماودي أقول كلمة لكم تنشال

ما كل لامع ذهب يا عابسيني
واتركوا الحسد وكونوا عقال
الشاعر/ حمد بن فهد المخالده السبيعي