منذ أسبوع واحد
|
|
|
يفداك متخاذل وخاين ومرتاب
.
عدة ابيات علها تنال القليل من اعجابكم
اعطيتها لايك وردت لي اعجاب
وجهة نظر واحساس بينه وبيني
كني مقدم بعض مالذ اوطاب
ماقلت في بعض الحروف انصفيني
بامعجبه ماكان لحروفي اصحاب
ولاكان يعجبهم بقايا حنيني
يامعجبه فتحت لاحبابي ابواب
واشعلت شمع المفرادات بيديني
هاذي سنه والشوق والحرف ماتاب
ماجبت شين يعجب امتابعيني
لين انتثرتي ورد وازهور واطياب
وصرتي بحسك قايدة معجبيني
ياما قريت احساس صادق وكذاب
من كثر ماشافت مع الوقت عيني
لقيت منك الذوق يالترف ينساب
بين الحروف اللي تبيح الكنيني
طهر وعفاف وقد رايع وجذاب
وثلجن تغطي متعته جمرتيني
وخشمن سوات السيف ابو حد وانصاب
والموت خدن فيه غمازتيني
حتى ولو غطيتي الزين باحجاب
انتي قمر يافاتنه صدقيني
انتي ملاك يقود تلعات الارقاب
انتي عذاب وفتنه العاشقيني
يفداك متخاذل وجاهل ومرتاب
بين العرب ياقايدة معجبيني
منقول
|