تـخيّل انـك سـكنت بقلبي لحـــــالك
وإنـك تمشّى على روضه وغدرانه

وانـك مـلكته وعاش القلب بظلالك
راعـي مـحل تـربـع وسط وجدانـه

تـخيّل ان الـخــزامى فـيه يبرا لك
فـي خـطوةٍ فاح يشمومه وريحانه

تـخيّل الـحب تـنزل له ويرقا لك
كـنّه حـفيدك وكـنّك جـدّ خــدّانه

الـحب طـالك وكل الشوق ما طالك
و الـقلب يرجح بكل الشوق ميزانه

تـخيّل اكبر من اللي جاء على بالك
ارحـل بـفكرك بكل اشكـال وألـوانه

انـت الـغلا لا يطول بحبي جدالك
جـيتك سـحاب يزفّ بصمت هتّانه

تـِقبِل مـعك فـرحتي يا حلـو ب قبـالك
وان غـبت يـستسلم الخفّاق لأحزانه

لا لا تـخيّل أكـيد الـقلب منزا لك
وأكـيد لـك سالفه تنبض بها أركانه