.
.
.
يالهفة الشوق اللي بروحي لوفها
وين الطريق اللي يوصلني واوصلك

هذي حياتي لو انكتب لي حتوفها
فدوه تري روحي وحالي ومامتلك

غنيت حرفك والمحاني عزوفها
عساها تاجي على ذوقك وتوصلك

يالهفة الشوق اللي مرادي شوفها
ودي على ديره بها ربعك وفيها هلك

ومنك السموحه لو تردت حروفها
لوكان حرفي ردي والقول ماجاز لك

قصيدتي روحك وقلبي جوفها
يالهفة الشوق حالي من الود انهلك

اموت فيها واهواها وما توبها
كني لها شعب وهي هيبة ملك

اهديتلك روحي و شماغي و ثوبها
جاتك ضلوعي على صدرك تقبلك

ياسيدي ياسيد عيني وشوفها
يا غاية الدنيا لقلبي وما ملك.