.
.


.
الحنين اللي بقلبي
صار زايد..
ماتصوره الحروف
ولا القصايد ..
شوق واحساس ومشاعر
لك تقيد..
وكل يوم وانت في عيني..
حبيبي!
وكل عام وانت في قلبي..
تزيد
ايه ابيك..ايه ابيك!
بس قوللي
كيف اجيك
كيف اعبرلك عن شعوري
من غيابك في حضوري
وما.. تريده..ومااريد؟!
طولت غيبتك واجد
واطلب الله في كل حزه..
في صلاتي..
في دعائي وانا ساجد
التقيبك لو هي صدفه
وتنحسب في العمر عيد
ايه احبك ايه احبك..
ايه ابيك
ليت القى في الخلايق
شخص واحد مثل زولك..
بس يشبهلك أكيد
واغتنيبه دوم عنك وما اجيك
حتى امكن ما فكر مره فيك..
بس تبغى ..الصدق أقولك؟!
قول ما اكذب عليك
الحقيقه انت واحد
مانخلق منك شبيه
نفسي تسمع كلمه مني
بختصرها بكلمه وحده
لين توصل للسماء
انت تسمعها
ويسمعها الملأ
اللي حوله!
واللي فيه !
انت في قلبي لوحدك
شخص متفرد لحالك
شخص واحد
وممتلي منك غلا
وكل احساسي معاك
مايحيد
كل عام ..
انت في قلبي حبيبي
وكل عام ..
وانا في قربك سعيد
.
.
رااامز..