في عيونك شي ياخذني بعيد
وفغرامك طعم ماذقته ابد

إن سألت وقلت انا بقلبك وحيد؟
قلت اي بالله ولا حولك احد

في جدار العرق اسمك فالوريد
مايمر العرق غيرك لو جهد

شوفتك تشعل شعوري من جديد
لاغيه قبلك شعوري للمهد

كل يوم فقربك انته يوم عيد
ما افرق فالربوع وفالاحد

ودي الساعات في يومي تزيد
ساعتي قربك ثواني بالعدد


ان حكى ثغرك احاسيس وقصيد
اشعر اني فوق هالغيم انوجد

وانسى هالعالم وودي لو تعيد
كل كلمه من شفاهك تنعقد

في وصوفك تعترض هل من مزيد
والحروف تقول لي هل من مدد

هاك كلي خذني لعيونك فقيد
قول اشر هاكني لك مستعد

باقيً لك حكم ثابت مايبيد
باقيً لك شعب وصروح وبلد

يافرح قلبي و خفاقي السعيد
يافرح يسري بدمي للابد