/






أنا يا ابن الحلال أصعب حكايه
كتبني الوقت .. لكن ما قراني

مضى عمري و تقدر تعتبرني
غريبه .. و في زمن ماهو زماني

زماني راح مع نصفي .. و نصفي
نسى نفسه مع الوقت و نساني

أسافر حزن .. و الصحبه ثلاثه
أنا .. و الصبر .. و سهيل اليماني

و اذا مريت في بلاد الطفوله
فتحت الصدر للحزن و طواني

هنا .. دمعه جرت من عين جاهل
هنا .. لاقيت همي و التقاني

هنا .. باعتني الديره و أهلها
هنا .. ضحيت لفلان و جفاني

هنا .. حاولت أصيح و ما سمعني
سوى بعض الشوارع و المباني

مشكوره قلبي ضوى الليل على تصميم مميز ربي يسعدك يارب