لعيونك اللي علمت قلبي الطيش
والبسمه اللي نورت لي مكاني
ورموشك اللي كنها للعدو جيش
اني لاخلي الليل له شكل ثاني
دامك وصلتي والحكي صار بشويش
وشلون انا مااقول شعر واغاني
طفل المشاعر بيننا عله يعيش
يلقى له ام ٍ تحرسه واب حاني
وشللي دخل بالنوم ووسادة الريش
ما دام حضنك ضمني واحتواني
طيفك يشاركني على لقمة العيش
ان ما لقيته ف المحاني لقاني
والعاذل اللي قال لي قلت له ايش
رح رح ترى مالك لوى يااناني
تبغاني انساها وانا احبها ليش
من جدك انساها وأضيع زماني
|