انا استاهل وداع افضل وداع يليق فيني و فيك
انا استاهل وداع أجمل عشان اتذكّرك بالخير

حسبت ان الوفا غالي أو انه عالأقل يعنيك
خذتني عزّتي بإثمي حسبت اني في قلبك غير

تروح وتاخذ اسبابك تغيب و هالزمن يبطيك
نفيت وجودي بالمره ولا يعنيك هالتدمير

ضلوعي شايله قلبٍ ضعيفْ وخفقته تبكيك
ترجّ الروح في جوفي باسمك و اَسْمَعَه تكسير

تولّتني كثير شكوك وصرت أسألني هو يغليك؟
وكل مافات هذا كذب أو انه غلطه او تقصير ؟

خَلَق ربي فمان الله تودِّع من صِبَر يرجيك
تخفف لوعته بكلمه تواسي فقده بتبرير

وداعك لو هو بكلمه بتنهي قصةٍ ترثيك
رسول الله و هو مختار مودّعْنا وداع أخير

بقول لنفسي مسافر بيرجع لي من التشكيك
بكبّر هقوتي بطيبك وبُعدك خانه التعبير