بين الوجيه ادوّره .. ما لقيته
كنه مواعدني مكانه .. ولا جاه
اقول يا ذكراه وينه وليته
وقلبي يقول اني مع الدرب بلقاه

يمر عنوان الغلا باب بيته
ويصبح لامنّه وصلّه وتعداه
البارحة مع كل هاجس سريته
شفت الليالي مظلمه بعد قمراه

ياما تخيّلته بدربي وجيته
وياما تلاقت فالمواعيد ذكراه
انا ادري اني لو بشوفه بكيته
ادفع ثمن هلامنيه .. واتمناه

ما بغي الوصول لو قال قبلي بغيته
ويروح بأسرار السنين وخطاياه
وما قول له .. يا ليتني ما عطيته
اخترت حبه مثل ما خترت فرقاه