أدري من قلبك تبيني
و تدري من قلبي أبيك
وبعد تدري تسوى عيني
وأن روحي بين أيديك

ليه طيبّ كل هذا
وأنت تعشقني كثير
ماهو من طبعك حبيبي
كذا تقطع ما يصير
وأدري من قلبك تبيني
وتدري من قلبي أبيك

أخاف تبعد عن عيوني
و تطول أيام الغياب
وأنت تدري أن حبك
من هنا لفوق السحاب

لوّ تستوعب غلاتك
كان ما تدري شتقول
وسالفة قلبي وقلبك
بالعمر لازم تطول
وأدري من قلبك تبيني
وتدري من قلبي أبيك

تذكر ليله لقانا فيها
ياكان شكلك يجنّن
للحين قلبي مانسيها
آه يا أيام لندن
يعني قلبك ما يحن
ولحظه وحده ما أشتاق
بالله قلي أنت من
ما يهزك هالفراق ؟
وأدري من قلبك تبيني
وتدري من قلبي أبيك