خواطر حزن
ياشحيـحٍ بالوصـل حسبــي عليـك
كيف عقب الصـد قلبـك مــاســأل
كيف تتركني وأنا اللـي مـتّ فيـك
كيـف تنســانـي وتنسـى مـاحصـل
هات عمـرن فـات دامـه يحتـريـك
هــات حـلمــن فزّ عيّــــا يكـتمـــل
هــات عيــدٍ فـــات عــدّى مقتفـيـك
هــات وردٍ فــاح عطــره لـو ذبــل
هـات عمري قبل أقول إنك شريك
قبـل تكشف لي قســاك ولـي تـزلّ
هات عمري وأوعدك ماأقول أبيك
أقتل الذكـرى فـي حلمـي وأعتزل
*****************
*****************
كل القصايد حزن وأوراقي إشهودي
وكل المشاعر حبر في داخل الدفتـر
كتبتهـا كنت أظـنّ الحب محمـودي
أثر المحبـه تجيب الضغط والسكّـر
أبعتـزلهـا عقـب قدّمـت مجـهـودي
وكلٍ عقب جهده الوافي بعد يشكـر
******************
******************
حزيـن الحـب مـايفرح ثـواني
طواه الحب وأثر الحب جاني
حزين الحب في عينيـه دمعه
تبيـن وخـوف قلبـه لا تبـانـي
يخاف إمن العواذل لا دروبه
عقب لامـوه مـافيهم ضمـاني
ألا يـالله تـقـبـل لــي بـدعــوه
تنسّي خاطري حزن الزماني
تنسّينـي حبـيـبٍ زاد حـزنـي
عقب فرقـاه كل الفرح فـانـي
***************
***************
حبيبتي غابت!!
ماكنّها إلّا البارحه..,,
ياليوم!! ويابكره ترى!
غابت وكانت جارحه.!!
غابت وغابت معاني هالحياه
آه من طول الغياب
ومن قليل الحظ آه..!
أتعب أقدامي السراب!
وأتعبت رجلي الدروب
من يقول الجرح طاب!!
مــالبـس للجــرح ثـوب,,
ياضمير الحب قلّي وين أروح؟
أبتعد بكره أو أبقى للجروح!!
ليش قلبي من سبب حزني حروق؟
ياظلام الليل قلّي !!
هو متى وقت الشروق؟؟؟
*****************
*****************
ماعـاد تتعبنـي مسـافات يـاسعود
من قال لك حتى السنين أنصفتني
آمـال وأحـلام ومـواعيـد وإعهـود
بـكـيـتـهــا لـكـنّـهـــا مــابـكـتـنــي
*****************
*****************
مريتني!
مدري أنا مريت بدروبك غريب
مامعي غير أمنيات!
وليله مافيها سبات!!
وجرح من بعدك عطيب!
مرّيتك الصادق العاشق الولهان!
مرّيتك إنسان!
حلمه بوصلك عيّا لا يغيب!!
مرّيتك بدمعة وفاء..
تحزن إلدمعي أحب!
تفرح إلدمعي أحب!!!
إن لقيتك مالقيت إلّا الحياه..
وإن فقدتّك قلت من أعماقي آه!
آه من قلّ النصيب..!!!
********************
********************
إجرحيني!
إكسري حاجز هدوئي!!
إنثريني فوق جمره..
ما أبادلك الرماد!
حتى لو ليلي سواد..
الوله عندي يضيئك!!!
وفي طريقك كل ذكرى من ورودي..!!
إقطعي عنّي سؤالك؟
بعد غيبه..
كيف حالك؟
مافي قلبك غير حبّي..!
وأنتي في قلبي حبيبه..!!
*************
*************
يبقى الإنسان بداخلـه مـايعنّيـه
لو هو تظاهر بالفرح والسعاده
أدنات شيٍ من الأحـزان يبكيـه
وأيّـات شـيٍ مـن الأحـلام قـاده
*****************
*****************
|