منتديات قصايد ليل - عرض مشاركة واحدة - أبي حضنه يدفيني كل ما نزلت دمعة من عيني أبي عينه تناظرني

11-26-2010

في الصف

تمالكت نفسها أكثر و عزمت على الأعتراف بحبها
راحت لبسام إلي كان يقرأ كتاب

: ممكن أجلس
بسام بإبتسامه تفضلي نور
نور بإبتسامة متبادلة : كيفك
بسام : ماشي الحال
نور بتوتر : بسام أنا أسفة
بسام بإستغراب : على أيش
نور تناظره : على ..
و سكتت
بسام : قولي ؟
نور : بسام أنا جد أح ..
ماقدرت تكمل و قامت من مكانها و توجهت لخارج الصف
راحت الحمام تبكي و بعد ماهدت مسحت دموعها و طلعت

بسام كان لاحقها و نطرها بره
نور كانت طالعه
بسام : نور
نور بنفسها " مُب وقتك يابسام "
بسام : نور شفيكِ
نور : لا أبد حسيت بدوخـه
بسام : أخذكِ على المُمرضـة ؟
نور : لا صرت أحسن
بسام بإبتسامه : طيب نروح الصف علينا حصه الحين
نور أبتسمت و مشت معه

في أمـريكـا

صحى سالم الساعه 10 مساءاً
سالم : أوفف أخذتني النومـة و بكرة علي أمتحـان
لبس بلوزته و طلع

بعد دقايق صحت سحر
راحت على الصالة و مالقت سالم
أخذت موبايلها و أتصلت فيه

سالم كان بالمطعم
سالم : ألـو
سحر : ليه طلعت بدون ماتخبرني
سالم : طيب هدي أنتي كنت نايمة و ماحبيت أزعجكِ
سحر : لا ماتزعجني
سالم : طيب

سحر سمعت أصوات و سألته : أنت وين
سالم : بالمطعم أتعشى
سحر : بالعافية
سالم : الله يعافيكِ
سحر : دقايق و بنزل لك
و سكرت المُوبايل

بدلت ملابسها و لبست شورت قصير جداً لونه أزرق مع بدي أسود عليه بعض النقوش الغريبة
ربطت شعرها و نزلت تحت

الشرطة كانو يمشون معاها
سحر ماعجبها الوضع لأن كذا مابتاخذ راحتها

وصلت المطعم و دخلته
شافت سالم على الزاوية وراحت له
سحر : مرحبا
سالم : ليه نزلتي
سحر بإستغراب : أنا قلت لك بنزل
سالم : بس أنتي ماعطيتني مجال حتى أتكلم
سحر سكتت
سالم : أجلسي صحنك بوصل لكِ الحين
سحر أبتسمت

الطبق عبارة عن باستـا إيطاليه

سحر تناظره و هو ياكل
سالم وقف عن الأكل و قال : لا تناظريني مابعرف أكل كذا
سحر بضحكه : طيب
سالم واصل الأكل
سحر : سالم أنا أسفة

سالم رفع راسه : على أيش ؟
سحر : على كلامي معك أول ماشفتك
سالم إلي مسوي روحه نسى الكلام بس الكلام لسا في باله : كلام أيش
سحر بنفسها " معقولة نسى "
سالم : شفيكِ
سحر : لا و لا شي كمل أكلك
سالم يناظر ملابسها : و بعدين وش إلي لابسته الحين ؟
سحر بإستغراب : ملابس
سالم : أدري إنهم ملابس أجل شو بس ملابسك مرة عارية
صحيح حنا ببلد أجنبي بس أحترمي لبسكِ و بلدكِ تراكِ حتى و أنتي تدرسي تمثلي بلدكِ بأسلوبك بكلامكِ و بـ كل شي
سحر صار وجها أحمر من الفشله و تمنت إنها مالبست هالملابس

في إيطاليـا

تبرعت أم جون بالدم لجولي
ثم أدخلوهـا غُرفـه العمليات

أم جون و جون في حاله قلق

بعد مُضى سبع ساعات
خرجت المُمرضة و معها جولي
جولي بالسرير الأبيض ملامحها شاحبه
جون يمسك يدها و يكلم المُمرضه : كيف حالها ؟
المُمرضة : إنها بصحة جيدة لكنها تحتاج للراحة

جون أبلغ أمه بحال جولي و قال لها : لا داعي لبقاءكِ
أذهبي للمنزل و أبلغكِ عن حالها
أم جون : حسناً .. وداعاً

دخل جون غُرفـه جولي
أخذ له كرسي و قعد يمها يمسح شعرها بلطف
و يتأمل ملامحها المُتعبة
طبع قبه صغيره على خدهـا