انا مشتاق من اول ثواني غيبتك عني
انا معلن لك استسلام قلب ٍ كابر بصده
انا مشتاق من اول ثواني غيبتك عني
توقعت الغياب يتم واني واحد ٍ قده
وعجزت اجرا على بعدك وبعدك ماخذ ٍ مني
خذا من راحتي راحه وانا والله من مده
اكابر للرجوع اللي شموخي منه ماخذني
الين استسلمت ايامي اللي عاشت بشده
من اشواق ٍ عجز طغيانها في البعد يلهمني
انا مستسلم وراضخ وقلبي مد لك يده
تعال ارجع وانا في يوم ماقد خاب بك ظني
انا مشتاق هالمره وشوقي واصل ٍ حده
انا ماني بكفو لبعد فيه الشوق لوعني
وش اللي بس من عمري تبيه ولك انا امده
ولا اعيش الشعور اللي وصلني وصرت متعني
مادام ان هقوتي في قلبي انك منت بترده
انا من دون طاريّك ترا مانيب متهني
تعال ولملم اشواقي وقلب ٍ باح لك سده
وهات احساسك اللي دايماً بالحب يوصلني
ولاتاخذ كلامي ضعف ضعف الحب انا اعده
ابد ماهو ينقص قدر .. لا والله { يرفعني }
انا مستسلم وراضخ وقلبي مد لك يده
تعال ارجع وانا في يوم ماقد خاب بك ظني
انا مشتاق هالمره وشوقي واصل ٍ حده
انا ماني بكفو لبعد فيه الشوق لوعني
|