شرقـة ولـه
مساء النور والنوير وأيام الوله غرقى
مساءك خير كل الخير هذا القلب لو يفداك
.
.
جروح القلب لو تدري من فراقك ، غدت حرقى
نمد العين لمشاهد بشاش الوجه أو رؤياك
.
.
سرقنا من هوى العالم غلاتك ياغلا سرقا
وجينا لك ندوّنها ،، قصيد ٍ شافق ٍ ينخاك
.
.
عن عيون البشر قلي من اللي قالك ترقى ..؟!
حرام تغيب عن قلب ٍ عشق في شوفتك .. ذكراك ..!
.
.
ياليلٍ مايبي غيرك بدر يتربّع الزرقا
يانورٍ شافق ٍ شعشع سما .. سبحان من سواك ..!!
.
.
ينوح القلب من شوقه نياح الباكيه ورقا
تعال وشوف وش سوت جروح القلب ،، من فرقاك ..
.
.
أطرّ بشوفتك نظره ، ياليل الدمع والفرقا
كأن المزن من عيني سقت خد ٍ شكا لاماك ..!
.
.
يمرّ من الهجوس اللي ينوّر بالفكر برقا
عسى مالحزن طاوي له .. عسى ماجلجلت دعواك ..!
.
.
خطاوينا على بابك من اللهفه ، غدت عرقى
حفظني شارعك بيتك ..حفظني الباب والشباك
.
.
أوقّف من عنا شوقي .. دروب الحب والطرقا
وأترك لك بقايا حب .. ينادي من على الافلاك :
.
.
انا لك لو زماني دلّ على الهجران والفرقا
انا لك غيث امطاره على طول العمر ترعاك ..!
.
.
تزور القلب أشواقه ويشرق بالوله شرقا..!
ألا منهو يجمّعنا.! .. تضمّك عيني وتفداك ..!
|