يالله دخيلك من تقلاب القلوب
ماادري علام الناس والجاري جرى
ناسٍ تغيرهم نسانيس الهبوب
وناسٍ تطيح من الثريا للثرى
اللي نواياهم مثل صب النصوب
صارت نواياهم مثل طلعة كرى
ماعاد نفرق بالصدوق و بالكذوب
يطلع ورى الموضوع غير اللي نرى
والآدمي ماهو عن العيب محجوب
واللي درى يفرق عن اللي مادرى
بعض العيوب نعامله مثل الذنوب
نخاف يلحقنا مناقيد وزرى
واكيد ماحنا نظاف من العيوب
بس الردى والله علينا ماطرى
يااصحابنا مااحدٍ على الطيب مغصوب
واللي يبيه بساحته باع وشرى
انتم نظركم للشمال وللجنوب
متوقعين لزلة الصاحب حرى
لكن ترانا مانجي بعد الغروب
ماندّرق ورى متاريس وذرى
|