لاح برق المفارق .. والخطـاوي رحيـل
دلّنـي لـلـدروب وللفـنـا دلّـنـي
هاك كل الرسايل والف شكراً جزيـل !
بيّـض الله وجهـك دفتـري ملّـنـي !
خلّني بـدرب عمرك مثل عابر سبيـل !
ولا تدري يكفّـي قولتـي " خلّنـي " !
مَ جبرَتك الوصايا .. وكان تبغى دليـل !
لو انا فرض ما قلت :- الحق وصلّنـي !!
يوم كنت القصيد وحلم شاعـر نحيـل !
ليه رحت وفراقـك بالصـدر علّنـي !
ايه رحت وغديت اصعب من المستحيل !
( يعني عيون قافـي .. بعـدك تهلّنـي ) !
( حسبي الله على وداعك ونعم الوكيل ) !
( شفت يومك تلوّح ! / كنّك تذلّنـي ) !
وش بقى فـالمحاني غير طيـش وعويـل !
وش بقى بالورق غيـر العنـا " تلّنـي " !
خلّني للمواجـع والسهـاد الطويـل !
دام بوحي على درب الوصـل ضلّنـي !
وخلّنـي للطعـون ولا تـردّ الجميـل !
دام هـذا الحنيـن بـغيبتـك شلّنـي !
وخلّني للمفارق والخطاوي / " رحيـل " !
ولاّ تدري .. أمانة .. طالبك " خلّنـي "
م/ن