منتديات قصايد ليل - عرض مشاركة واحدة

11-21-2010

اليوم الاربعاء
الساعه6ونص جالسين ننتظر الباص دقايق وجانا ركبنا سلمت ع البنات بسمه وام احمد ونوره وهنادي وايمان
خلاص صرت اعرفهم الحين
وصلنا وطلعنا فوق لقسم الاطفال وهناك لفت انتباهي شي حيرني الاطفال كلهم نايمين وكل حاضنه راحت تصحي الاطفال وتلبسهم كنت ابي اسأل بس محد كان فاضي لاسألتي رحت ابدل ع البنات رحت ادور ع ذكرى البنت الي شاغله فكري ومصره اعرف مشكلتهاوليش منعزله ودايم بجلس بالزوايا !!!
بحور:صباح الخيركيف الحلوين
ياالله ماما ياالله
سديم تصحي ريومه بسمه تصحي اماني وانا عندذكرى
شلت الغطاء وقعدت اصحيها
بحور :ذكرى ياالله يماما ياالله حبيبي اناجيت وجبت لك حاجات حلوه بس اول قومي نغسل ونرجع نبدل وننزل تحت عشان نفطر
ابتسمت وقامت بسرعه وعانقتني بستها ورحت نغسل كانت فرحانة مره احسن من قبل بس لو ترتاح من تقطيع شعرها ومصها لاصبعها تكون بخير
رجعنا للغرفه وقعدت ابدل لها
شدني علامات بجسمها كي واثار جروح(قلت في نفسي ابسأل وحده من البنات بعدين)
خلصتها ونزلنا تحت وافطرت وطلعو طلاب المدارس
اتفقت مع سديم تجي تاخذذكرى وتلعبها جوا ابي اسأل البنات عن قصتها
رحت وجلست عندهن
صبو فنجان قهوه ومدوه لي واخذته جلست جنب بسمه واحترنا نسئل مين عن ذكرى وقع اختيارنا ع ام احمد بما انها لها5سنوات فالدار واكيد راح تفيدني
بسمه:ام احمد نبي نسألك عن ذكرى ليش فيهاحروق بجسمها
ام احمد:ذكرى امها كانت تحرقها وتعذبها وسلموها لدوله وهم تكفلو فيها
بسمه:حسبي الله عليهاالله لايوفقها
بحور:بسمه لاتدعي ع احد قولي حسبي الله ونعم الوكيل وبس
بسمه:ياشيخه تستاهل ذي مالها قلب ماتشوفي حال البنت هذا وهي طفله كذايادوب نسمع صوتها وبس تقطع شعرها اجل لاكبرت وش يصيرحالها
بحور:وحنا هنا وش دورنا لازم نتعاون ونغير وضعها لساتها صغيره وراح تستجيب لنا ع طول صدقيني
بسمه:ياعمري عليها الله يكون بعونها ان شاء الله
بحور:الا ام احمد تعالي ليش هم نايمين هنا!! حتى لو امهم وابوهم اتوفو معقوله مالهم عمام خوال ياخذوهم ويربوهم
بسمه: بحور هذول لقطاء
بحور:ايـــــــــــش
بسمه:لقطاء لاام ولااب
بحور:بسمه تكفين لاتعورين قلبي
بسمه:والله صادقه كل واحد له قصه
بكيت وبكن البنات معي الحين عرفت ليه يقولو يمه ياربي انا كنت اعرف ان فيه لقطاء زي مسلسلات اول يلقاه واحد عندالبحرولاعندمسجد ويربيه
بس ماكنت اعرف ان لهم مبنى
آآه يارب يارب ارحمنا يارب
قمت ودخلت غرفت النواني
سعيد وفهد نايمين طلال طلال صاحي اخذته وحطيته بحظني وجلست اصيح آه ياطلال وش ذنبك يمه وش ذنبك تعيش هالحياه الله يسامح من كان السبب
طلال كان فحضني يبتسم وانا ابكي ع حاله
ناضرت الساعه وحصلتها 11 وقت رجعت اطفال الروضه مسحت دموعي وانا عندي عزيمه خلاص بصير ام لهم كلهم بربي واعلمهم كل شي صح واول شي اغرسه فيهم الايمان بالله طلال بدا يتحرك سبحان الله كأنه يأيدني بقراري ضحكت
بحور:فديتك يمه ياالله قوم معي نستقبل اخوانك الحين يجون
دخلت ام احمد تشوف وش صار علي
ناظرت لها وانامبتسمه انابخير ام احمد خوذي طلال شوي بستقبل عيالي(وبعدها ابتسمت ع كلمتي ايه عيالي دامهم ينادوني يمه فأنا امهم)
اول ماطلعت جو يركضو كانو واصلين قبل اطلع بدقايق
ريم :تعالو هذي هيه يمه هذي هيه هنا
طبعت قبله ع خدها وقبل ارفع راسي نط عزوز ع ظهري وفهد برقبتي وقعدو يضحكو علي وصلاح وفهود عجبهم الوضع ونطو معهم
بصراحه ما استحملت طحت وطاحو معي طيحه خفيفه وقعدنا نضحك
صلاح:هههه يمه طاحت حنا اقو منها
فهود:اناحبك يمه
بحور:واناحبك بعد
فهد:وانابعداحبك كثير
ريم:حتى انايمه احبك اكثرمنهم
عزوز:وانايمه احبك كثير كثيرمره
بحور: قد ايش يعني
عزوز:قد الكتب
كلنا ضحكنا وهو ضحك معنا (ياعمري متأثر فالدراسه )
فهد:غبي عزوز
عزوز متعقدمن الكلمه ذي يصيح لاسمع اخوانه يقولوها له
كشر عزوز وكان ع وشك انه يصيح
وبسرعه قلت :عزوز جبت لك حاجه
عزوز:استانس ايش يمه
والباقين :يقولو وحنا يمه
بحور:جبت لكم كلكم بس اول شي نبدل ملابس المدرسه وننزل نتغدا
واحنا نازلين
جاءعلي وسطام واماني
اماني:اول وحده ضمتني
وطبعت قبله ع خدها وهمست بأذنه اذا تبي هديتها بسرعه تبدل وتخلص غداهاما امداني اخلص الاوبسرعه راحت
ابتسمت
ورحبت بعلي وسطام
بحور:اهلن اهلن حي الله عيالي
علي:يمه قربي اذنك بقولك شي
بحور:هاه يمه قول
علي:ايش قلتي لاماني
بحور:ههههه تبي تعرف
علي:يضحك ويهز راسه
بحور:واذا ماقلت لك
علي:عشانك تحبينا هتقولي
بحور:فديتكم وانتا سطام ماتبي تعرف
سطام:الا بس استنى تقولي لعلي عشان بعده تقولي لي
بحور:اممم البارح ايش طلبتوني
سطام:أم أم أس
علي:جبتيها
بحور:اكيد
ونطو علي يبوسوني
(الطفل يفرح باي شي تقدمه له حتى لو شي بنظرك انت بسيط بس بنظرهم هم شي كبير)
(اتق النار ولو بشق تمره)
==