غيبتك طولــت والصـبر عيا يفيــد...

...أتصـــبر وقلـــبي زايــدً في هيامــــه

كيف أبصبر وشوفك عن عيوني بعيد...

...ياملاكً حكم قلـــبي ونــال الزعامـــه

أتوجــد عليكم من خــلال القصــيد...

...وأذرف إدموع عيني مثل وصف الغمامه

عقبكم صـرت بين الناس كني وحيـد...

...حولي الناس مير الفكر معك اهتمامـه

ياحبيبي تــرا الأشـواق لجـلك تزيــد...

...والفؤاد أشتكى من الشوق قسوة سهامه

كيف أوصفك وأنته في وصوفـك فريـد...

...أشهد أنك جمال الكـون تحمل وسامـــه

يوم ترجع وأشوفك عندنا يـوم عيـد...

...ينشـر الــــورد والأفـراح والأبـتسـامــه

شاب راسي من أسباب الزمان العنيد...

...ياحبيبي متى؟ ترجــع لنــا بســلامــه