المطر
كل مابلل مطر وصلك ثيابي
ارتوت كل المعاليق الحزينه
وسافرت كل المراكب في عذابي
واشرقت شمس الغلا بكل المدينه
والسحاب بعينك النجلا سرابي
والقمر غطى المسافات بحنينه
والكفيف من الوله شاف وقرابي
كل حرمان بعيونه فاقدينه
✶✶✶
ارق فوق ولا تناظر تحت مابي
ولاتحاتي حجاج مغليك وجبينه
لجلك ارضي ماتحب الا السما بي
ولين اموت الروح لعيونك رهينه
والله ان اقرب قريبٍ مادرابي
يوم كانت روحي لهمي رهينه
وانت من نظرة تحس بكل مابي
كنني طفل وعيونك والدينه
|