***






البارت الرآبع





إفترقنا ..



وإنقطع حتى السلام !



طيّحوك شلون من عيني ؟



حرام ..



كل جروحي النايمه



صحّيتهم !!



صحّيتهم !!



صحّيتهم !!





عند سلطان اللي واقف ينتظر عمه وتركي شافهم داخلين توجه لهم وسلم عليهم ورحب فيهم
ابو تركي: تسلم ياولدي تعبناك معنا وعطلناك عن شغلك
تركي في نفسه الله والشغل محاسب في بنك فرحان مره بهالعايله
سلطان: انت قلتها ولدي ومافي شي من واجبك وقدرك ولف يسلم على تركي اللي يسلم عليه بكل برود
سلطان: كيفك ياتركي
تركي من دون نفس:طيب
سلطان:ويش فيك تعبان عسى ماشر
تركي: ويش شايف انت؟ واحد توه جاي من سفر كيف بيكون حاله وانت جالس تستعرض كرم اخلاقك علينا!!!!!!!
ابو تركي: تتتتتتتتتتركي انكتمممممم ولف على سلطان اسف ياولدي ماعليك منه ومن كلامه اللي زي السم
سلطان بابتسامه عكس قهره من تركي وتصرفه البايخ: افا ياعم تعتذر مني لا عشت ولاكنت قدرك كبير وسلم على راسه ومسك كتف تركي ما عليه تركي زي اخوي ومافي زعل بين الاخوان وهو معاه حق تعبان ومرهق وانا ما اعطيتكم فرصه ترتاحون يلا حياكم ومشى هو وعمه
(( كل هالكلام وتركي منزل راسه حس انه صغير بعين حاله تصرف سلطان هزه وكلمة اخوي اثرت فيه ماعنده اخ واصحابه للمصالح بس مااحس بيوم بقربهم منه ولا انهم اخوان له وسلطان من ترحيبه لكرمه ل بتسامته اللي مافارقته حتى من كلامه الغبي له ماتاثر وماحسسه بشي على انهم قاطعين فيه وفي اخته الا انه جاء واستقبلهم وكانهم مقدمين الدنيا له ما كانهم اللي تخلوا عنه هو واخته وماسالوا عنهم واذا سالوا يكون للمصالح بس حس انه لوحده ورجع يمشي عشان يلحق عليهم ركبوا سيارة سلطان وسلطان يسولف وكانهم اقرب الناس له وفرحان بيهم ))
تركي: سلطان اذا ماعليك امر وصلني لقرب فندق ابي ارتاح
سلطان :الا علي امر ونص فندق وبيتي موجود ليش عسى احنا مو قد مقامك يا اخوي
تركي: لا ما قلت كذا بس ماابي اثقل عليك ابوي عادي بس انا صعبه عشان اختك
سلطان: لا صعبه ولا شي واختي بعيده عن المكان اللي بتجلسوا فيه والخدامه راح تشوف طلباتك لو انشغلت عنك بالرغم ان شاء الله اني ما اتوقع انشغل عنك
تركي: لكن
سلطان: ترى عيب في حقي تتطلب هالطلب والا ايش ياعمي
ابو تركي:ماقصرت والله ومالك الا طيبة الخاطر..
((وفي نفسه كذا الرجال والا فلا مو الرخمه اللي وراي اللي يبي فندق تربية فوزيه من وين بيجيبها يعني))
تركي سكته أسلوب سلطان راقي وكرمه معاه وتصرفه كسر عينه وكبره في نظره وهو اللي جاي وهو يقول أكيد إنسان قروي وماله شي بالحياة بس اللي يشوفه غير



عند سهاد من بعد ما رجعت من مدرستها وهي على الجوال رسايل داخله شات من جوالها ومستلمه رسايل
روحي تحبك: خلاص ياروحي مليت ابي اسمع صوتك
جنوني عقل: شوي شوي بدري ماصار لنا اسبوعين وتحبني وتبي تسمع صوتي؟؟
روحي تحبك: ليش لا الحب ماله وقت
جنوني عقل: تبي تفهمني انك حبيتني
روحي تحبك: مو حب بس تعود بداية تعلق وفضول
جنوني عقل: قلت لي !!
روحي تحبك: ايه اش قلتي ؟؟
جنوني عقل: أشوف
روحي تحبك: ما يبيلها كل هالوقت
جنوني عقل: آنا راح أروح أنام مع السلامة
روحي تحبك: وسن لحظه
سمعت صوت المسج رمت الجوال وطلعت من الجناح وتوالت المسجات وهي مطنشه وماشيه









***






بالخاصره خنجر ...
وفي داخلي .. ( آه ) ..
............. و أشوف في صدري
طفلهـ لكنْ تموت !











عند سلطان
وصلوا على البيت بعد ماوقف عند مسجد وصلوا لظهر دخل ودخلهم المجلس اللي كان ماليه ريحة البخور والعود
من يوم دخل تركي وهو يحس براحه فضيعه كان البيت حلو ومتوسط الحجم دورين دور استقبال ودور لنوم وحوش كبير وفيه ملحق صغير عباره عن غرفتين نوم وصاله ودورة مياه مايتقارن بقصر عمه بس كان البيت هادي ورايق واثاثه ذوق
دخل البيت لقى سمو محيوسه وترتب وتطلع الاغراض بسرعه ومربكه الخدامه معاها حتى
سلطان: سمو ايش فيك خليك ريلاكس ليش هالحوسه
سمو: مدري بس آبي كل شي كامل
قرب منها وباس خدودها وجلس يلعب بشعرها ماعليك بيكون كل شي تمام وبعدين احتمال يطولون بتحوسي نفسك كذا
سمو: ماابي احد يحكي عليك وانك قصرت مع ضيوفك بشي
سلطان:قصدك عمي وبنظره فهمت معناها سمو
((سمو ماترتاح لعمها واهله من زمان وكرهتهم من بعد ماتخلوا عنهم يوم مات ابوها وامها))
سمو: ماقصدت شي
سلطان: طيب كيف امتحانك اليوم
سمو: تمام
سلطان: اخذ القهوه وقبل مايطلع لف على سمو اطلعي ذاكري وخلي جوسي تخلص الشغل
سمو: بس انا اليوم قدمت اخر ماده لي وكذا خلصت ..~
((سمو 21سنه اختصاص لغات وترجمه بجامعة الملك خالد ماتتقبل عمها واهله لان عمرها ماحست بقربهم كل اهلها كان سلطان وخالتها ام راشد وعمها نادر مايسال عنهم))
سلطان : على راحتك وطلع متوجه على المجلس



***


brb