منتديات قصايد ليل - عرض مشاركة واحدة

#1 05-02-2009

إهداء للفنان الرائع خالد عبدالرحمن
وإلى جماهيره الذواقه

خاب ظني والحزن ماخـاب ظنـه
يوم خليتي دموعـي لـك سكايـب
كل يوم اشعر مـن فراقـك بونـه
والفراق أعجب من السبع العجايب
عشت نار الهجر وانتي وسط جنه
والهموم أضحت على صدري كتايب
علمينـي بالتلاعـب كيـف فنـه
وكيف يقسى قلب عاشق كان ذايب
ذكرياتك جـوف عقلـي يشاغلنـه
مقدر انسى يوم كنا أحلى حبايـب
كان لي في ساحتـك شنـه ورنـه
كنت أهيم بروعتك فوق السحايـب
كنت أخبي حبنـا وأخشـى وأكنـه
لين راح الحب من قلبـي نهايـب
اخرجي سيفك وانا بتعـب واسنـه
واقتليني وارفعي فوقـي نصايـب