ذرفتك دمعة الطفـل اليتيـم الحاسـر المخنـوق
على خد الزمان اللـي بكـت جـوره مسراتـه

رسمتك صورة الابداع في جسم اٍنحصار الـذوق
على متن الخيال الي عكس ممشـاك رسماتـه

رويتك قصة تحوي ظروف وعاشـق ومعشـوق
نهايتهـا صريـع الحـب سيفـه نبـرة اهاتـه

تحملت السنيـن الجايـره ومجابهـات الشـوق
صبر قلبي وسـط نـاره علـى رجـواه جناتـه

اطارد موكبك صابر واقول ان مركبـك ملحـوق
بقايا طيش من عمر الشبـاب وعـز مشهاتـه

أثاري نيتك خمـد الخفـوق الواهـن المحـروق
ودفن الحاضر المرجي وسـط حسـرات مافاتـه

غدى صمتي على صدر الورق من طعنتك منطوق
يبلـه غيـم جفـن ساقـت الونـات عبـراتـه

قسى قلبك وانا اللي حاسبك دون البشر بفـروق
حسافه يازمـان عشـت ميـت فـي معاناتـه

خدعت الذات بقناع الغرام الصـادق المسـروق
قتلت الحب واٍحساس الحبيـب وكـل ضحكاتـه

توكل والليال تقلـدك مـن علمهـا كـم طـوق
بعدها يعـرف الخـوان داءه فـي مـدى ذاتـه

وانا لي من بسط الارضين واعلى هالسقايف فوق
ومن خرت ملوك الكون ترجـي منـه فزعاتـه

يجازي من ترك ثـوب الحنايـا للعنـا مشقـوق
ويبدل هالكتـاب اللـي نعانـي دمـع صفحاتـه