قالت تعال
وقال قلبي تغلَّى
شِفْ لهفة الأشواق
في عين مغليك


وش لون أقاوم
نورها اللي تجلَّى
زجرت قلبي قلت
مالي شغل فيك


جاوبتها لبيه
أهلا وسهلا
أنا تحت أمرك
وما بين أياديك


قالت هلا يسهيل
نجمٍ تعلَّى
طال السما
واشغل غرامه محاكيك


قُلته تقول الصدق
يا زين ولّا
قالت عيوني
بالذي في تُنبيك


ناظرت طرفٍ
قال في الحب وابلى
عينٍ تميتك حب
وعين تحييك


سألتها ممكن
في يوم (اتَّخلى)
قالت أبيع الكل
وبعمري أشريك


عانقتها والقلب
همه تولَّى
قالت تبيني
قلت وش لون ما أبيك


سُهيل