من لا فقــدني ما افقده لو يشـدي
‏وعســى تعجـــل في رحيله مطــاياه

‏ليـامنــه اقفــى مـا بغيــتـه يـردي
‏اللاش عنـدي حضـرته مثـل فـــرقاه

‏فجـأه تغيٌر واصـبـح اليـوم ضــدي
‏صــد وعطــاني تـايـه الراي علبــاه

‏وانـا فـلا سـويــت ذنـــبً يُـعــدي
‏ راجعــت نفسـي والسـبب ماعرفناه

وليــته نشــدني وارتــوى من مـردي
‏ امــا اقتنــع ولاٌ دوى فيـــه مســـــراه

‏وان كـان صــدٌه يــوم قفٌـا تحــدٌي
‏مـــا ســلت عنـه وحـق ربً عبــدنـاه

‏وان كــان علــمي له يفيد ويـسدٌي
‏ابي اكتفي واصبر على شـين جزواه

‏وهو عارفً قصدي وانا ويش ودي
‏وان حــدٌني للناس بكشــف خفــايـاه

حيثــه تجــاوز بالخطــا كل حـدٌي
‏ والظـاهـر انــه طـاوع ابليس واغــواه

‏وحكـم القــدر ماهـوب يده ويدٌي
‏بيـــدين ربً تســـــجد الناس لرضــاه

‏واللي زعل من دون ســبه وصـٌدي
‏ واللــه مــااتبـع سـاقتـه واترضـاه

‏لا والــذي يعلـم خفـــا كــل سدٌي
‏ مـا آتيـه لو عمــري ورزقـي ابيمنااه

مماراق لي