منتديات قصايد ليل - عرض مشاركة واحدة

#1 11-07-2010

ايوووه من كثـر الشقـا والتواجيـد
وايوووه من عظم المصايب والاحزان

.
ياعيد بايّـت حـال عـودت ياعيـد
وانته تشوف الحال ضيقه وحرمـان

.
ياكيف أبفرح بـك وهمـي علابيـد
والعين من صدق الوجع هـل هتـان

.
ياهودجٍ قفّـت ذلولـه علـى ابعيـد
وضح الثنيه فيـه والعلـم هجـران

.
شدّو وانـا ماغيـر أجـرّ التناهيـد
وكني على الاطلال هايـم وشفقـان

.
يسقيـك ياطلـحٍ تحتهـا المواعـيـد
فيهـا تجاذبنـا السوالـف والاعيـان

.
ياديرةٍ منهـا خلـت حيـل جرهيـد
لو فوقها زرق السحايـب والامـزان

.
ذكرتنـي ياعيـد أبتلـعـة الجـيـد
اللي غلاها مع غـلا الـروح سيّـان

.
ياعاذليـن القلـب خلـوا المناقـيـد
ماوالله أنساهـا ولـو كـان ماكـان

.
أستغفـر الله كـان سجّيـت بالبيـد
طـراه يـوم الكـل بالعيـد فرحـان

.
يالله عسـى فالمقبـلات المناضـيـد
ويالله عساها تندثـر كـل الاحـزان