عسى ظروفك ماتحدك على الشيـن مثلي وحدتنـي ظروفـي علاهـا
الوقت جاير لو صفا يـوم يوميـن لابـد مـن عـجٍّ يعكّـر صفاهـا
يقطعـك ياوقـتٍ علـى برديـيـن وفيها هل الطولات ذاقـو لضاهـا
ويقطع رجـالٍ للمعاريـف ناسيـن اللـي بحـزات الشدايـد نسـاهـا
وانا الذي ذقت الجفا مـن قريبيـن وسـود الليالـي ماتشـح إبغثاهـا
والفزعه اللي ماتجي غير بامريـن دهن السيور أو حب صيت وجاهـا
أضرب عليها وانسها اسنين ودنيـن مانـي بمعكـازة حقيـرٍ بغـاهـا
يامقشر الطيحه بوسـط المعاديـن اللي تحسب طيحتـي هـي دواهـا
للخيل عثره وينتهض دوم في حيـن والطيبـه تلحـق وتـدرك مناهـاا
ياهيه انا بن عون كسابـت الزيـن الابـه اللـي عالـيٍ مستـواهـاا
إمطير ربعـي ملحقيـن المخليـن إمطير يعرف سطوها مـن لقااهـاا
مثل الجبـال الشاهقـه فالمياديـن ومثل النجوم العاليـه فـي سماهـا
لامادرينا عـن هـروج النساويـن ولامايهـز الحيـد نفحـة هواهـاا
بيض الفعول اللي تشيب الرضيعين وهل الفعول الطيبـه فـي رحاهـا
اصبر على الصلفات ماقول من وين واخذ دروس من الزمـان وبلاهـا
1
2
فرقين بين أثنيـن فرقيـن فرقيـن شخصٍ حداه الوقت ونفسه وطاهاا
فرقين بين أثنيـن فرقيـن فرقيـن شخصٍ حداه الوقت ونفسه حماها