04-30-2023
|
|
|
نص ساعة ، ~
*
*
قامت على الليل الأدهم بالنحر والشقار
ومعنّقٍ جاعله ربي ربع طولها ..!
تلتف به حولها من كل صوب ومدار
ماهي بحاجة مرايتها ومن حولها
لها على كل عينٍ طالعتها قرار
وشلون باللي يعزل الجمر من لولها
خلوني أروح معها من مدار لمدار
انتو لو إنكم مكاني كان رحتوا لها
حتى الهبايب تنازعها يمين ويسار
تقول ما قد لقت زولٍ مثل زولها
متجليّه ، مستكنّه ، مثل أخير النهار
اللي طلب من مغيبه لون مجدولها !
ان بيّنت كل خلق الله عليها تغار
واليا اختفت كل شارد ذهن مشغولها
على الخوافي تساعدها العيون الكبار
تسرق من احساسي الكلمات وتقولها
اخاف من دمعها خوفي من الانكسار
واطرب على صوت ضحكتها ومفعولها
أحب ضحكاتها وأحس بالإنتصار
على ثغرها ليا ابتسمت ومعسولها
تستاهل البال و التدليل والإختيار
اللي يلوق لمحاجرها و منتولها
قالت وش أجمل قصايدك الغزل باختصار
قلت أبشري نص ساعة بس وأقولها !
*
*
منقول
|