ما فيها عشم
لِيْه أحس الوقت يمشي بي ثقيل
والسَّهَل قدام خطواتي قمم
ضايقٍ صدري ولا للنَّفْس حيل
كُل ما حولي أحس إنه وهم
مال بي اللي ولا عمره يميل
حار في يدي عن الجري القلم
واليراع اللي مداده سلسبيل
أصبح يغني على بحر الألم
ليه يا دنيا توزين الجميل
وتنصفين الظالم من اللي ظُلِم
أدري والله ما لدنيانا خليل
الوفي ترميه بأنواع التُهم
عمرها والله ما تشفي الغليل
مهما شاف العبد فيها من نعم
ظلها ما هوب للقايل مقيل
وملكها زايل ولا فيها عشم
سُهيل
|