الكل: اميين
العنود: الا شخبار منى مع الوحم
دانه: تمام توها مكلمه امي امس
الهنوف: ليش ماجات
دانه: فارس عنده دوام ومايقدر
بدور: شرايكم بعد العيد ننزل عندها
العنود: ماراح تجي ؟؟
دانه : الا بتجي وبتقعد اسبوعين ترتاح شوي
ريم: مسكين فارس بيقعد أسبوعين بروحه
الهنوف: والله الزم ماعليها راحتها
بدور: أي بس مسكين بيقعد بروحه
العنود: عادي يرجع عزوبي شوي
منيره+نوره: السلام عليكم
الكل : وعليكم السلام
دانه: هلا والله
منيره: قاعدين حش وسوالف ماتشبعون تعالو قعدومعنا
العنود: عميمه أي حش حرام عليج
الهنوف قامت وخت دحوم من نوره : فديته متبتب يازين الدبب والله
نوره: قولي ماشاء الله
الهنوف: لا تخافين عاد مالقيتي الا انا اعطي عين
العنود: اقول نوره انا ناويه اسوي رجيم خل دحوم يسوي معاي يضعف له كم كيلو
بدور: ههه حرام عليج
نوره: حلاة ولدي دبدوب أجل تبينه معصقل زيج
الهنوف: الله يالدنيا العنود صارت معصقله
العنود: شفتي هذا الجامعه وماتسوي
دانه: على طاري الجامعه ليش حولتي
العنود: بس ابي شي في حركه وماعجبني الانقلش
نوره : وانتي الهنوف: لا انا الى الان ماغيرت عاجبني قسمي
منيره: تعالو قضيتو للعيد ترى مابقى عليه الا خمس ايام
العنود: الحمد لله كلنا خلصنا
الهنوف: اصلا انشغلنا بالعرس اكثر من العيد
بدور: أي هذا عرس سلمانو الي مايعرف الشغل ينشغل
منيره: لا والاخ مسويه في مزرعه غريب هالولد ماادري وش ناوي عليه
العنود: بالعكس احلى تمييز
الهنوف: أي والله ترى الحركه حلوه تغيير والجو رووعه
بدور: اخوي عليه تفنتق مب صاحي
الا جات الجده: السلام عليكم
الكل /وعليكم السلام
الجده: ترى اذن الي بيروح يصلي لتراويح يتجهز ..
مرت الايام الخمس مثل البرق وسريعه واليوم هو ليله العيد التكبيرات في كل مكان والفرحه ماليه كل بيت الساعه 12 في الليل في بيت عبدالعزيز
محمد: يلا انا بروح اجيب ثيابي من الخياط
ام عبدالله : الله ياولدي توك تجيبهم
محمد: بعد شسوي يمى زحمه
العنود: بروح معك
محمد: يلا قومي
العنود: دقايق اجيب عباتي
راحت العنود جابت عبايتها ونزلت لبستها وطلعت هي ومحمد
وهم في السياره سوالف وهبال وصل ونزل محمد ياخذ ثيابه الا يدق جواله سمعت العنود النغمه وعرفت ان الي يدق امها رفعت ..
شوي الا يجي محمد : السلام عسى ماتاخرت عليج
العنود: لا شدعوه ترى امي داقه
محمد: شفيها : تقول مرو جيبو حلاو حق العيد لان نست توصي ابوي ..
محمد: اوكي
وصلو المحل نزلو وقعدت العنود تختار مع محمد ...
راحت العنود شوي بعيد عن محمد واختارت نوع ثاني من البسكوت والخرابيط وهي تاشر على الي تبيه الا يد رجال جنبها تاشر على نفس الي تبيه .. لفت العنود وجهها عليه وهو لف وجهه في نفس الوقت وقعدت مبلمه ومنصدمه وخرت يدها ونزلت عيونها بسرعه الا يجي محمد ها العنود اخترتي ويرفع راسه
محمد والابتسامه على وجهه: هلا والله
احمد: هلا بك
قام يسلم عليه ويسولف معه .. العنود تمت واقفه جنب محمد
الا احمد يرفع عيونه للعنود : هاذي العنود
محمد: ايه .. ها العنود عرفتيه هذا احمدو الي اول كله تلعبين وتتخانقين معه
العنود وهي مستحيه من الي قاله محمد: أي شدعوه انساه حسبالك ناسيه العضه
محمد+ احمد:ههههههههه
محمد: ترى اختي ماتنسى ماراح تخليها بتردها لك
احمد: شخبارج يالعنود
العنود: الحمد لله بخير
راح محمد يدفع وأحمد عيونه ماطاحت عن عيون العنود هي كانت ملاحظته بس حاولت تتجاهله وكانت مرتبكه من نظراته ..
من بكره كان العيد وهالمره العنود راحت صلت العيد واستانست حتى شافت كثير من صديقاتها الي من الثانوي وفرحت كثيير الصباح راحت بيت اهل ابوها عقب بيت اهل امها والظهر كان الغدى عند اهل امها والليل كانو متجمعين فيبيت اهل ابوها ..
ثاني يوم كانت ليله الحنه حق رفعه وكلهم كانو متجمعين بيت اهلها رفعه كان مار عليها اسبوع ماكلمت سلمان وهي متعمده تسوي كذا بس كان الي بينهم رسايل ..
لين جا يوم العرس وكان سلمان في قمه السعاده واخيراااا جايوم زواجه الي كان يستناه على احر من الجمر ..
العرس كانو مسوينه في مزرعه كبييييره وكان هذا تخطيطه مع حبيبة القلب ..
المزرعه كانت روعه بزينتها والديكور حقها كانت قسم حريم وقسم حق رجال كان الشجر يحوطها من كل جهه والجو كان حلو وكانت الارض خضراء .. كان الديكور لونه أخضر زيتي وبني رملي وكله شجر وطبيعه ..
فستان رفعه كان موديله ناعم وحلو ومناسب على جسمها وخصرها الطويل كان الفستان بدون أكمام ومن ورى ينربط بخيط <<نفس الموديلات الفرنسيه القديمه>>وكان مررره طويل يسحب وراها وظهرها كله كان مبين بس مغطيه شعرها الطويل الي كانت ملفلفته كله ومسويه فيه تسريحه بسيطه من قدام والطرحه ناعمه بس مو طويله كثير يدها كانت مغطيتها الحنه الي صايره روووعه رسمه هنديه
كانت رفعه في الغرفه الي في المزرعه وخايفه الكل طلع عنها كانت بروحها قامت تطالع نفسها بالمرايا..
رفعه: صايره اهبل وتذكرت قامت فتحت شنطتها وخذت الدفتر ومسكت القلم وبدت تكتب ..
شوي الا دخلو البنات عليها ..
العنود: هلا والله باعروسه
رفعه: بنات خايفه
جواهر : لاتخافين
العنود: يؤيؤ انتي خايفه وعمي ميت من الونااااسه
رفعه: ههههههه والله ماادري عنه لي اسبوع ماكلمته
بدور: وانا اقول ياعمري اخوي شفيه مستخف هاليومين ..
الا جات امها : يلا رفعه
جواهر : خذي نفس
طلعو كل البنات وبدت زفتها كان الي تمشي عليه خشب وحواليه كله زرع كانت زفتها قصيده ناصر القحطاني أبيها والي يلقيها سلمان طبعا هو الي مختارها وحفظها من كثر ماكان يرددها رفعه ماكانت تدري وش هي زفتها لان سلمان حب يسويها مفاجأه لها ويوم اسمعت القصيده ياهي ماتت حيا على جراته ..
كانت تتمشى بكل هدوء وقلبها يدق باقوى ماعندها والورد ماسكته بيدها وهي تتمشى كانت تتذكر سلمان وسوالفه وهباله وتضحك من داخل والبسمه مرسوومه على وجهها وفي النهايه بعد ماخلص سلمان من القاء القصيده قال اسمها وقام الكل يلوولش ويكبر وبدا الطق وصلت عند الكوشه الي كانت عباره عن شجره كبيره فروعها نازله ومنتشره في كل جهه ووسطها كرسيين خشب وملفوف حول الشجره كلها زرع أخضر ونازل لين وسط الجسر كان شكلها غريب وحلووو لفتت نظر الكل وصلت لعند الكرسي وقعدت وجا الكل يسلم ويبارك لها ..
دخل المزرعه كانت في شاشه كبيره تعرض العرضه الي كانت عند الرجال وطبعا البنات ما قصرو سنترو قدامه مثل الحرس ..
العنود والهنوف كانو شوي بعيدين عن الشاشه شوي الا يسمعون صراخ وتصفيق من البنات الي عند الشاشه
راحو لهم وقامو يطالعون معهم سلمان قام يرقص هو ومحمد والجد وعبدالعزيز وعبد الرحمن ومجموعه شباب معهم ورجال
سلمان كان شكله روعه ورقصه احلى واحلى والبنات منهبلين عليه ... العنود لفت وقامت تسولف مع وحده
شوي الا زاد صراخ البنات البنت الي كانت تتكلم معها قالت لها : شوفي
لفت العنود وعيونها بغت تطلع من الي شافته والابتسامه على وجهها وهي مصدووومه ..
البنت : رهييييب ماشاء الله عليه
الهنوف تطالع العنود وتضحك : يجنن ماشاء الله لا اله الاالله والله مالوم البنات على صراخهم
البنت: ماشاء الله بعد هو مملوح ماعليه وزياده رقصه
العنود بدون أي تعليق تمت تطالع فيه وبانبهار والابتسامه شاقه وجهها ...
تدرون من كان ,,,,,؟؟؟؟
؟؟
؟؟؟
؟
فيصل
جا وقت دخول سلمان .. الي كان عند الرجال ومحمد جنبه
سلمان: ماصارت ابي اروح انا جاي للمعازيم والا لعروستي
محمد: اقول استح على وجهك اصبر خلاص مابقى شي
سلمان: الساعه وحده الا ربع متى بدخل عليها يعني الفجر
محمد: ههههههههههه انا ماعمري شفت واحد مثلك
سلمان: أي نشوف في عرسك شبتسوي يالاخ
|