ميري : نعم ماما
فوزيه : شوفي الباب
ميري : ان شاء الله
فتحت الباب وطلع عبد اللطيف
عبد اللطيف: السلام عليكم ..وين ماما فوزيه
ميري : في الصاله ..
فوزيه : منو
ميري: بابا أبد اللتيف
عبد اللطيف قبل لا يخك تنحنح
فوزيه : اخدل ادخل ما أحد جنبك
دلا ل: حلوه ذي وانا وين رحت
عبد اللطيف سمعها وقام يضحك
فوزيه : حطي الجلال عليج
دلال خذت الجلال وحطته عليها
عبد اللطيف :أدخل
فوزيه : أي حياك
عبد اللطيف دخل وباس راس جدته : صبحج الله بالخير
فوزيه : صبحت بالنور والعافيه شخبارك
عبد اللطيف: بخير والحمد لله انتي شخبارج بعد روحة البر
فوزيه: الحمد لله هاه ياولدي عساك استانست
عبد االلطيف : شلون ما استانس وانتي جنبي
فوزيه: وانتي ما تسلمين على ولد عمج ؟؟
دلال : وهي من تحت الجلال : هلا والله شخبارك عبد اللطيف
عبد اللطيف : بخير انتي شخبارج
دلال : الحمد لله
عبد اللطيف : غريبه قاعده بدري
فوزيه: هذاهي من عمرها كله تقوم بدري عكس خواتها كلهم
عبد اللطيف : لا بس عشان روحة البر
دلال : لا عادي اول ما رجعت امس نمت فشبعانه نوم ...يلا عن اذنكم
عبد اللطيف : تو الناس
دلال : تسلم بس
فوزيه تقاطعها : صبي لولد عمج قهوه والا شاهي
دلال : ان شاء الله وفي قلبها شلون بصب له وانا الجلال علي
عبد اللطيف حس انها توهقت :لالا مشكوره ماابي شي
فوزيه: شلون ماتبي شي
عبد اللطيف : شربت قبل لا اجيكم
فوزيه : براحتك
دلال طلعت وفوزيه قعدت تسولف مع عبد اللطيف
في بيت عبد العزيز
الظهر الساعه 2 تقريبا بعد الغدا جاتهم نوره وهم قاعدين في الصاله
العنود: أقول نوره تجهزتي للعيد
نوره : لا والله ولا شي خاطري انل السوق هالاسبوع على القل اخذلي كم بدله لدحومي
ريم: يوووو عاد السوق ما ينطاق مع هالزحمه
نوره : انتو ما تقضيتو
ريم: انا نزلت السوق مع أمي قبل ما نعطل وشريت لي تنوره عجبتني بس ماركبت عليها بلوزه
العنود: زييين احسن مني انا ولا شي .. مع هالاختبارات ما فضيت لشي
ريم : شرايكم ننزل السوق اليوم
نوره : والله ياليت على الاقل نفتك ما بقى على العيد شي
الا تدخل ساره : السلام عليكم
الكل وعليكم السلام
ريم : هاه يمى شرايج
ساره : في وشو
العنود: ننزل السوق اليوم مع نوره
ساره : والله تسوين خير فيني يانوره ودحومي خلوه عندي
ريم: الله يمى لهالدرجه احنا ثقل
ساره مب ثقل بس مالي خلق حق دوارة السوق وانا تقضيتلي من زماان وخلصت
العنود: مدام تقضيتي حقج يمى ليش ما قضيتيلنا معاج
ريم : شوف من يتكلم
ساره : انتي لو ايش ما اقضي لج ما يعجبج العجب ولا الصيام في رجب
العنود: لانيب مميزه مو أي شي يعجبني
ريم: الا قولي صعبه
العنود وهي تهز كتوفها وطق اصبعها : والي ما يطول العنب حامض عنه يقول
نوره : ما ينقدر عليج
العنود: افا عليج وانا بنت عبد العزيز وساره
ساره : الله الله انا مافيني ولا ذره من هالغرور الي فيج
العنود: يمه هذا ما يسمونه غرور هذا يسمونه ثقه بالنفس
محمد: السلام عليكم
الكل : وعليكم السلام
محمد دخل سلم على امه : هلا نوره شخبارج
نوره : بخير الحمد لله
محمد: وانتم يابنات شخباركم
ريم والعنود : بخير
محمد: وينه حبيب خاله
نوره : توه نايم ودخلته داخل ..
العصر في بيت عبد الرحمن كانو متجمعين في الصاله يتقهوون
الهنوف : أقول يمى متى بنروح السوق
فاطمه: وش تبين بالسوق
الهنوف : ابي أقضي للعيد ما شريتلي شي
فاطمه : والي جابته اختج لج مو عاجبج
الهنوف : وش جابت
ندى: يوووووو يمى كنت بسويها مفاجأه الا قلتي لها
فاطمه : وانا شدراني كان قلتيلي
الهنوف : يابعد عمري اختي ماتتصورين شلون كنت شايله هم السوق والدوره
ندى : ههههه أدري دوم انا افرج هموم يلا قومي اوريج الي شرت لج
الهنوف : يلا عن اذنكم مامي وبابي وتاشر بيدها
عبد الرحمن : اذنج معاج (ماي دوتر ) وهو يضحك
فاطمه : ما ادري متى بتعقل هالبنت
عبد الرحمن : الا وين نواف ما اشوفه
فاطمه : طالع يلعب بره مع عيال الجيران
عبد الرحمن : أقول ام فهد
فاطمه : امر
عبد الرحمن : ترى عبد العزيز أخوي فتح لي سالفة خطبة ندى لعبد الله
فاطمه: وش رديت عليه
عبد الرحمن : ما رديت عليه قلت له اشاور البنت وامها وأن شاء الله تبشر بالي يسرك عاد البنت كبرت اول مرره خطبها كانت توها متخرجه وقلنا صغير اما الحين ماش اء الله عليها مره وما اتوقع بتلافي احسن من ولد عمها
فاطمه: واله انا اتمناها اليوم قبل بكره بس عاد الراي الاول والاخير لها
عبد الرحمن : ما اختلفنا بس اعيد واكرر البنت مالها غير ولد عمها ويكفي انه ولد أختج وانتي ادرى فيه
فاطمه : والله اني اتمناه لها بس ان شاء الله افتح معها الموضوع وارد عليك
عبد الرحمن : عاد عجلي بالموضوع ودنا تصير الفرحة فرحتين
فاطمه وهي مو فاهمه شالسالفه : وش تقصد
عبد الرحمن : هي ومنى
فاطمه : وافقت
عبد الرحمن : والله ما ادري بس يوم قالي ابوي ذيك المره عن الي خطبها انا اشهد انه ولد ناس وكفو وسمعة أهله ما في احسن منهم وحتى هو بس اللهم انه في الجبيل وما اتوقع يضر..
فاطمه : الله يوفقها ويسعدها يارب
عبد الله : امين الله يكتب الي فيه الخير
بعد المغرب في بيت عبد العزيز
ريم تصارخ : العنووووووووووود وجع ما صارت عبايه يالله ترى بنطلع
العنود: نازله من الدرج وهي تركض : خلااص هذاني جييت
ريم: يلا بسرعه نوره تستنى في السياره انا بسبقج

في نفس الوقت بدور وخلود وبناتها كانو يتسوقون وأذن العشا وسكرت المحلات وقعدو يستنون المحلات تفتح ..
بدور: يووو عاد الله يعينا على الزحمه ألحين
منى: أي والله عاد الشباب الحين يتجمعون لا قبل
خلود: انزين انتو حاولو تخفون رجولكم بسرعه من العصر واحنا هنا ما صارت
دلال: يمى بعد شنسوي احنا وحده والا ثنتين
دانه : اشوه انا ما بقى لي الا التشطيبات الأخيره
شهد:ماما ابي اشتري أسكريم
دانه: والله حتى انا مشتهيه
بدور: وانا بعد
منى : كلنا
خلود: خللاص واحنا طالعين نروح نشتري عشان ما يذوب
بدور: مسكينه خربنا عليها خلوها بس تروح تشتري واحنا طالعين ناخذ لنا
دلال : يلا المحلات بدت تفتح ..ز وقامو
داخل المحل
العنود: وش رايج هذي والا ذي وش الاحلى
بدور: لا ذيك
العنود + نوره : بسم الله
بدور: هههه خوفتكم
العنود: من وين طلعتي انتي
بدور: من هنا ..شخباركم
عنود: الحمد لله
نوره : بخير انتي شخبارج
بدور: الحمد لله هذاني ابي اخلص وافتك مالي خلق سرد ورد على هالسوق ..هاه العنود شفيج محتاره
العنود: أي والله عميمه شنو اخذ هاذي البلوزه والا الثانيه
بدور: طيب شريتي لها شي تحتها
العنود: أي شوفي وتطلع التنوره من الكيس
بدور: وااااو تهبل رهيييبه اما انتي عليج ذوق
العنود: احم احم مشكووره
بدور: خذي هاذي انعم عشان التنوره فيها خبصه وااجد ..سبحان الله ذوقج مميز غير الكل
العنود: أي احب الحوسه
بدور: بس حوستج راقيه
ريم: السلاام
بدور: هلا والله ريمو
ريم: هلا عميمه متى جيتي من زمان
بدور: أي بس توني اشوفهم
ريم الله شهالصدفه الحلوه ..دانوه معاج