. <{ جروح عطيبة }>
آمنت بالله واسأله يكفيني شر المصايب
بعد النبي موت أمي و أبوي اكبر مصيبه

بعدهم مات إخواني وزادت علي أحزاني
ولامني الناس لما زادت على قلبي نحيبه

آه وسالت دموعي على سيد كل الربوعي
رجل عظيم خفف آلامي وعوضني بطيبه

رحل عني لبلاده ونساني زاد قلبي عويله
وصحت عزاه لقلب فارقه أهله مع حبيبه

آه منه ياملأ جفاني وعلى ذمته ماخلاني
نكر العشرة رماني جرحني جروح عطيبه

ياللي تسألوني ليه جرى منك نهر الدموع
والله لو جرى على مثلي ما هوب غريبه

فرقى الحبايب اكبر المصايب يا عيوني
ياعيوني كفي عن الدمع هذا قدر آمني به

ألا يأشباه الرجال خوفوا الله العظيم فينا
تراه قادر يبتليكم ولا احد يعين له طبيبه

تكفون صلوا على النبي المصطفى العدنان
محمد خير البشر شفيعنا بلا شك ولاريبه
الشاعر/ حمد بن فهد المخالده السبيعي