هذا شعر جونان يارب وياريت يعجبكم >>مافيه مقدمات ع طوول



لايـنـكـسر خاطرك من شاني
وامـسـح دمـوعـك لاتـبـكينـي



تـكـفـى دخـيـلـك لاتـرجـانـي
أنـا تـعـبـت ومـنـك يـكفينــي


لـو كـنـت مـغـلـيـني وتبغاني
ماشفـت غدرك في شرايينـي


أنا ادري قلبي مات وخلانـي
لـكـن شـمـوخي حـي للحيني


صـبـرك وتـلـقى واحداً ثاني
يجزيك بالـلي كنت تجزينـي


مـلـيـون غـيـرك قد تناساني
لـكـن يـعـود لـي ويـرجينـي


والله مـسـامـح منهو اشقاني
حـتـى ولـو مـوته قدم عيني


مـاقـد دعـيت ولاهفى لساني
وخلاني ادعي وارفع يدينـي


مـاهـو بـطـبعي لكن أعماني
فـعـلـك وحـطـم كـل مافينـي


ياكيف ماتت أعضاء وجداني
مـن عـقب ماكانت تحاكينـي


كـانـت تقول تـكـفى يافلاني
أنـا فـي وجـهـك لاتـعنينــي


يـاقـلـبـي حـظي هو تبلاني
والـيـا نـهـض لابد يخطيني


مـكـتوب ومـقـدر للانساني
والـلي كتبه الله يبى يجينـي


صحيح أكابر رغم أحزاني
حـتـى ولـو زمـاني يجفيني


بـلاش حـب وكـذب وأماني
والا بحـبـك وانـتـي حـبيني


أحسن اعيش العمر وحداني
مـغـيـر أنـا وهـمـي يـسليني


أنا ادري ان العمر ذا فانـي
وان ماطويته بكره يطويني


وانته دخيلك تكفى من شاني
امسح دمـوعـك لاتـبـكـيـنـي


لـو كـنـت مغـلـيني وتبغانـي
ماشفت غدرك في شرايينـي
((( تقبلوا تحياتي ))) ....