لاتسألني عن سبب ضيقه البال
مبطي وانا ماذقت طعم السعاده
ظروف خلت حالتي ماهي بحال
كافحت ليما مابقت بي اراده
بنيت لي في عالم الصبر تمثال
وباد الزمن تمثال صبري إباده
حاولت اوسع خاطري بلعب الاطفال
وكل ماسليت شوي ضاقت زياده
لو المصايب حلها الدمع لاسال
استغفر الله.. صار دمعي عباده
لبكي بكا/ضيقه/ ولوعه/وغربال
مابكي بكا..خوفن وذل وشراده
يابنت وديار البدو عشب ورمــإل
ومسرى بليا شور كله جهــإده
وانا سريت بوادين فوقه اجبــإل
الحـر ماشاف الشبك يوم صــإده
فيني بدوي طبعه ورى الخير رحــإل
ااكثر مقيمه فوق مركب شــدإده
يشد وينزل كل فتره بمـــنزال
قربه صعب جدإ وسهل ابتــعإده
ان قال فرقا؟ ماتراجع لياقــإل
ماتقدر الدنيــإ تكسر عنـــإده
فينا الولد يسوى ثمانين رجــإل
وفينا الكرم خلقه وسنه وعــإده
وبالعشق اخـذ اللي مواصيفهــإ ثقـإل
في زينها ماهي بحاجـة شهــإده
حبيبتي مازينوها بسلســإل
من زود ماتبرق تضيع القــلاده
اسود شعرها لبست فوقه الشــإل
الشــإل الاسود ينصدم من ســواده
ارجولـها خلخال من دون خلــخال
خلقتها لفت انظار ماهي عمــإده
لونفترض مرت على شارع الجــإل
فاض البحر يشكي عليها وداده
الارض تهتز حدرها هز زلزال
زلزالها تعشق حدوثه بلاده
فيها الحلا عايل على كلها عال
ان سولفت بالليل انسى رقــإده
بس المصيبه حظك الشيــن لامــإل
اليارقد يابعد والله قعــإده
وأنا مع حظي بعض ناس عذال
زادو علي من النكاده نكاده
صحيح انا عايش: ولو الحزن طال
الحمدلله..والشكر والشهاده
الفضل لله عزني بكل الاحوال
ماذلني بحاجه تشمت عباده
مير البلا ضيقات الوان واشكال
لاكن خلني طريح الوساده
هذا [ أنــا ] يا ناشدني عن الحال
من كثر ضيقاتي نسيت السعاده
للشاعر ثامر شبيب