12-15-2022
|
|
|
جفوة أحباب
جفوة أحباب
الليل يغري سكونه أهل الأدب والكتّاب
كنّ الشعر ينادي نديمه تعال أحييني
دوك النجوم أحرف والسما صفحة كتاب
دوّن بها مكنون روحك لعله يرويني
ياشعرى لاتنبش جرحٍ من العام ماطاب
أداريه عساه يبرا والاّ يقضي على سنيني
موجوع قلبي
من جفوة
أصحاب ..
واحباب ..
الجفوه اللي
كنّها سكين تقطع في شراييني
ماللخفوق راحه في صدّ وليفٍ سجْ وغاب
وماللشقا رحمه ولايرحم اشواقي وحنيني
يالايمي في حسرتي ترى روحي جراب
به من الخير والإحسان مايثقل موازيني
أحن للغايب وأعذر من صد بلا اسباب
واشره على ظنونه يوم انها تكويــــني
ليت القلوب ليا صدت نقفل دونها ابواب
لا عاد تشره ولاتحنّ ولا طواري تبكيني
ياللي تغني هو صحيح الهوى غلاب !
أشهد انه غلبني في كل ميـــاديني
لكن ماعاد في الحب معدل ولا حساب
كلنا فهمنا درس من باعني مايشتريني
وعهدٍ علي مابيع المقفي ولا الحقه بعتاب
وعهدً علي لا اطوع النفس لقوانيــــني
من اقبل يبشر بالقبال السمح والاطياب
ومن صد تلحقه بيض النوايا ولايعنيني
النايفه
|