الملامح ..
تسأليني ..
ليه في صوتي ..
من احزانك ملامح
ليه في صمتي .. من سكوتك ملامح

وليه .. أنا وأنتي تجمعنا مداين عشق
وليه .. فينا من بعض حزن الملامح

لأن أنتي هو أنا .. وبيننا سر التشابه
لأننا نفهم بعضنا .. وعشقنا يمطر سحابه


يا ملامح أسمي .. من بين الحروف
يا أمنياتي ..
وصحوة الحلم المسافر ..
في حياتي ..
وفي ظلام الخوف ...

يا ارتعاشات الهدب ..
وعشق عمره ما انكتب ..

كل عمري لك وفيك
وكل غربات التعب


إيه أحبك ..

بالكلام اللي بقلبي
بس أنا ماقلت لك

إيه أحبك ..
بالشعور وكل حبي
كثر أنا ما أشتقت لك

في الأغاني .. في الأماني
في الشعور وفي الملامح
حتى في نبض الثواني

إيه أحبك ..
وأعشقك أسم وملامح
في مسافات الشعور

أعشقك والشوق جامح
وأرسمك في الليل نور