ترى شوقي تعذب عن منامه

وطيفك طاغي ما يبرح خيالي
لقيت الحب في غالي مقامه
كما نجم الثريا بالليــــــالي
وترويلي القهاوي في كلامه
حروف الشوق يا بن الدلالي
وشب النار يا شيخ بغرامه
وخلك في علوم الحب سالي
على سيل المطر جاني سلامه
يوافي ضحكتي لاجل الوصالي
روابي في خفوقي يا هي هامه
تثير الشوق في زحمة تعالي
كلت قلبي وفازت في مرامه
وقالت قلبي في عشقه شمالي
وجا رمشه يناعس في ظلامه
يقول الشوق في عيني ثمالي
واشوف الروح ترجع لي بسهامه
وكافي لي من الدنيا غزالي

مشكوره قلبي ضوى الليل على تصميم مميز ربي يسعدك يارب