تعبنا .. ليه ما نسأل .. قصايد حبّنـا وش فـاد ؟

خسارة .. نسهر الليلـة .. ونكتبهـا .. ونمحيهـا

نغنّي بصمتنا [ دايم ] وننشـد للعـذاب : إجهـاد

كثيرة يا أغانـي الحِـزْن ! .. فـي خافـق مغنيهـا

قلوب .. وشوق ،، يتعبها.. وأملها فاقـد الميعـاد

وتحيا بالرجـا !! يمكـن يجـود بوصـل غاليهـا

وأعيش بهقوة المنوّة .. على ضفـة غـلا ،، ورّاد!

أصبر روحي العطشى .. وأقـول الصبـر يسقيهـا

وأجرّد نفسي بلحظة .. ولا ألقى للوصـل ميـلاد!

ولا أدري غير [ آهاتـي ] توضّـح لـي تواليهـا
:

أشوف إن الأماني موت .. نلبسهـا سـواد حـداد

يَكثـر أرواح تتأمّـل .. وتغـرق.. فـي أمانيهـ
ا

تعبت أقسى على نفسي .. ونبض العاطفـة معتـاد:

يساوي في قلـوب الحـب يسلبهـا .. ويعطيهـا

تواعدنا نحب "اكثير ".. لكنّـي [ أهيـم ] بـواد

أحث .. خطاي .. وأشواقك بعيدة عـن موانيهـا

أنا مثل البشر عاشـق وكاسـي فـي غيابـك زاد

تعالي قبل ما أكتبها ! قصايد " خَمْـر " وأعميهـا

تعالي نحيي الذكرى نعيش الحب [ هيك ] ..عناد !

ما دام أرواحنا ماتت .. بذكرى [ حـب ] نحييهـا

إذا كان السكوت "اصبر! .. "عيونك لا تقول : بعاد

وأضيع بزحمة أفكاري .. ولا أدري ويش تاليهـا ؟

بصدري .. روح تلعنـي إذا نابـض غرامـي بـاد

وأنا العنها .. إذا تشكي لشخـص ٍ مـا يواسيهـا

يا أنّا نترك الغربـة ونسكـن بالغـرام [ بـلاد ]

يـا أنّـا نبتعـد أكثـر .. وزود الفَقْـد ينهيهـا

م/ن