<{ من رمش عينه شبت النار }>
آه من رمش عينك شبت لنا النار
لا لاتحسب شبت النار أمر عادي

وماكنت احسب يكون لقانا حار
آه كان اشعلتها لك يانور الفؤادي

قامت ذكرانا تمايل كغصن أزهار
نفرح بها فرحة الحضر والبوادي

لا لاتلوم من غير الدار بعد الدار
لما انهارت عزومه ولغيره انقادي

حكي الشتت لقلب المحب دمار
ومادمر حياة المحب الا التمادي

خفف الغيرة و لا تصر حين تغار
ارى الغيرة تكسر قويين المبادي

ومابه شئ قوي يأتي بلا اصرار
اصل محبتنا هبة ودرس وكادي

بعد ساعة اللقاء ساحت الأحبار
ودونت لك ياحب ماعبر فؤادي

قفيت وصار طول الليالي قصار
وتركت جمرة تشتعل لبدى بادي

نهاري تغير بعد القصر كاد ينهار
اقول يانهار لاتطول ليلي حادي

سيطر على قلبي غرايب الأفكار
مدري حب وإلا عشق له سادي

تغيرت حالتي والنفس لها أطوار
خايف من عيني تفصح لحسادي

صرت صبح و مساء أنظم أشعار
وسمع كحيل الطرف رقة انشادي

وما هقيت إن حب العذارى جبار
وما هقيت نار البعد مالها ضمادي

سنين تجري والعمر يمضي محتار
والزين في بلادي ومسكنه فؤادي

ألا ياليت خبث أهل الزمن ما جار
سحر الهوى لعب بي وكسر ودادي

تحديت من تحدي وصرت مختار
وبفضل ربي تحقق حلمي ومرادي
الشاعر/ حمد بن فهد المخالده السبيعي