في داخلي فوضى وزحمة مدينه !!
وفي وجهي الشاحب .. بُكا بيت مهجور


وعلى شفاهي صمت شيخ وسكينه !!
وداخل عيوني سيل .. وجفوني السور


وآخر طريقي .. كلنا واصلينه !!
يالله بجنه .. من بعد نسكن اقبور


اول طريقي حلم طالت سنينه !!
وانا على ضحك الأمل .. ابني اقصور


ماعدت انا طفل ٍ حليبه.. حنينه !!
يُسقى حنان .. وتنبت اشفاهه ازهور


كنت البحر والحزن جاني سفينه !!
يبحرني (ا)لحاله .. ومجدافه الجور


جاني ظلام (ا)لعمر يسمع ونينه !!
في ليلة ٍ غدرا .. وفانوسي النور


جاني ملك يقتاد شعبه .. غبينه !!
ما للفرح في دولته .. أي دستور


يكفي أماني أمتلت بالخزينه !!
يكفي طموح أنسان .. لاعشت مقهور


ياحب !! بعد العمر خارت يدينه !!
أرحم عزيز القوم لا جاااااااك مكسور


ماعاد في عيني شوارع / مدينه !!
ماعاد باقي لي.. سوى بيت مهجور


منقول.