لا تعاتبني ..... واعاتبك
ازعل منك .... واسيبك
انت الغالي . يا مطيبك
لكن عتابك .... يشقين

المفروض ..... اتصبرني
باعتابك ..... ما تقهرني
يكفيني .... يا مسهرني
جفوتكم طالت .. يازين

ليتك دايم .... ترضيني
في قربك ... لا تجفيني
تلطف بدمعة .... عيني
ترحمني .... ولا تجفين

انا اللي معكم .... وافي
في حبي .... والقوافي
وانت تزعل ... يا كافي
تذبحني ذبح .. السكين

لولا الغلا ..... لاشكيكم
للي حكمه .... يرضيكم
ربي اللي ...... يعطيكم
قلب يرحم ... ويعطين

ياللي ترجمني . بالغيب
والتهمة دايم ... تعليب
من ظلمك زاد التعذيب
واشرقت الدمعة بالعين

القارظ العنزي