قالوا ترى / الامير عبدالرحمن بن مسااعد

قالوا ترى مالك امل فـي قربهـا لـو يـوم
ابعد وجنّب دربها .. هـذا هـو المقسـوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. وأسى .. و هموم
قلت ان قتلني حبها .. حسبي تقول مرحـوم
قالوا انسى ذكرها .. منتـب بهـا ملـزوم
قلت ابشروا ياعذلين .. بنسى لذيـذ النـوم
قالوا بتلقى غيرها .. واترك هواهـا اليـوم
قلت العفو ياحسدين .. ما ابدل قمر بنجـوم
قالوا لغيرك حبها .. قلت الجـواب مفهـوم
دام انها متهنيه .. وشلـون اصيـر محـروم
بقضي الليالي انتظر .. صابر على المقسـوم
متعلق بطرف الأمل .. يمكـن يجينـي نـوم
قالوا ترى مالك امـل .. فـي حبهـا لويـوم
ابعد وجنب دربها .. وهـذا هـو المقسـوم