منتديات قصايد ليل - عرض مشاركة واحدة

10-11-2010

مى .......سارت عند أمها.........كانت يالسة في الحوي ويا سارة ..
مى:أمايا مليت أريد اسير عند قوم نورة والله مليت ...........
أم نورة:منو بييلس وياي؟؟؟؟؟؟؟
مى:أماياااا إنزين تعالي ويانا .........
أم نورة:سيري وهاتي تيلفوني بدق لهم ..بشوف شخبارهم .....سارت ويابت التيلفون ......
نورة:هلا امايا شحالج؟؟؟؟
مى ..تمط التيلفون ..:أنا بكلمها وبعدين كلميها إنتي..
مى:شحالج الدبة ؟؟؟؟
نورة:زفت .........
مى :ليش؟؟؟؟؟؟
نورة:آآآآآآآآآآه لا نروم نرقد ولا شىء ...حظج يوم ما يتي ويانا...
مى:ليش؟؟؟؟؟؟
نورة:حبيبتي على قولت أمايا شيخة أعلمك كيف حريم لول ...والبزا ما تباه .....
مى:هههههههههههههههههههههههههه....أحسن أجدت فيكن ..
أم نورة..شلت التيلفون :وشحالج بنتي؟؟؟؟؟؟
نورة:الحمد لله ...
أم نورة:يوم الثلاثه بيي ويا مى ومنشلج..
نورة:إن شاءالله..........

موزه يالسة فوق وتكمل روايتها ..وملت من الحريم ..حشة يا الحريم ما يصدقن خبر حد يا من سفر إلا حدر يسلمن .. بعد شوي دق تيلفونها..
موزه:مرحباااااااااااااااااا ملايييييييييين ولا يسدهم.....بذمتيه.
سلامي:جب الدبة .......عنبوه مادقين؟؟؟؟؟؟؟
موزه:قلت يمكن راقدة..
سلامي:أي رقاد الله يليج هاي أمايا ما مخلية حد فحالة ......
موزه:هههههههههههههههههه..ليش؟؟؟؟؟؟؟؟؟؟
سلامي:الله يسلمج تباني اتعلم كيف أكون حرمة مثل الأوليات ....
موزه:حظج .........سلامي حفضي الدروس وعلميني.....
سلامي:لا والله ........إنزين بخبرج..........بخبر بملااااااااااااااااايييييييييييييييييييييييييييييي ييين...
موزه فجت عيونها:شووووووووووووووووووووووووووووووووووووو
سلامي:حزري منو يانا اليوم؟؟؟؟؟؟؟؟؟؟؟؟؟؟؟؟
موزه:منو؟؟؟؟؟؟؟؟؟؟؟؟؟؟؟
سلامي: أحم أحم السماوري.....
موزه:جذااااااااااااااااااااااااااااااااااااااااااا اااااااااااااااااااااااابه ....
سلامي:هههههههههههههههه...هذا الخبر بس بربية ..الخبر الثاني أحلي......بملااااااااايييييييييييييييييييييين
موزه:شوووووو الله ينطبج والله حرقتي اعصابي .........
سلامي:............هههههههههههههههههههههههه..أحم أحم .........نورة .............
موزه:هيه ........
سلامي:نووووووووووووووورة ......
موزه:يالله شوفيها؟؟؟؟؟؟؟؟؟
سلامي:السماوي................
موزه:سلامي والله قلبي عورني قولي..لاااااااااا ااااااااااااااااااااااا..ههههههههههههههههههههه...ي علة بذمتج؟؟؟؟؟؟؟؟؟؟؟؟؟
سلامي:هههههههههههههههههههههههههههه..هيه ..........
موزه:مشاءالله بسرعة .....ياااااااااااااااااااااااااااااااااي اااااااااااااااااااااااااااااااااااااااااااااااااا اااااااااااااااي .........وينها بباركلها ...
سلامي:ههههههههههههههههههه..صبري...........ماشىء بس كان حميد وبوه وأمه يايين يسلمون على أمايا ..ولقونا نحن ..وماشىء أمة يلست ويانا وأمايا شيخة سارت عند حميد وأبوه ....ويوم راحو خبرتنا أمايا أنهم يبون يخطبون نورة وبسيرون هالأسبوع عندهم .......بس إلا كلام ما صار شىء..
موزه..صيح:والله فرحتيني .......والله الحين لو عندي بحضنها الدبه بتعرس............هههههه الله يوفقها وينها بباركلها ؟؟؟؟؟؟؟
سلامي:صبري بسير أشوفها ...........العروس تعالي تباج موزوه.....
موزه:مبررررررررررررررررررررررررررررروووووووووووووو وووك الدبة ......
نورة:هههههههههههههههههههه..الله يباركلج بس عاد بعد إلا كلام .........
موزه:ههههههههههههه عادي لو كلام المهم تكلمو ........ياااااااااااااااويل حالي على السماااااوي ........
نورة:ههههههههه مادريت أنهم بيون ولا بتلقين لاصقة في الدريشة ..
موزه:عيل فاتج ما شفيه .......
نورة:ههههههههه ماعليج بيي بيتنا وبشوفه ........
موزه:وسلامي؟؟؟؟؟؟؟؟؟؟؟
نورة:شوفيها؟؟؟؟؟؟؟؟
موزه:ماخطبها؟؟؟؟؟؟؟؟
موزه:ههههههههههه......شو قالولج عرس بالجملة؟؟؟؟؟؟؟؟؟صبري خلي الكبير يعرس وبعدين الصغير....
موزه:أحلى خبر في حياتي.................
سلامي:مووووزه عقبالج.......
موزه:إن شاااااااااااءالله .........أجمعين ..............
موزه:خبرتو مى؟؟؟؟؟؟؟...
نورة:هههههههههههههه خبرتها تخبلت ......
موزه:أخيرا بكون عندنا عرس في العايلة ............
وسكرت عنهن .........وكملت روايتها ........
أما في طرف الثاني من البيت ....حمدان إلى محترق .........كل شوي يشوف الساعة ...الساعة 6 وربع .......وسعيد مادق تيلفون .......وشوي يرن التيلفون ...
حمدان:هاااااا بشر.........
سعيد:الحمد لله نجحت العملية .......
حمدان:الحمد لللللللللللله ..الحمد لله شو صحتة الحين ؟؟؟؟؟؟؟
سعيد:الحين شلوه عشان يراقبونة لمدة 48 ساعة يشوفون يعدي مرحلةا لخطر ..
حمدان:الله يبشرك بالخير إن شاءالله خيييير.....شفتوه؟؟؟؟
سعيد:لا ما خلونا بس عمي علي شافة ونحن من الزجاجة إلى برى ..
حمدان:المهم هو بخير والحمد لله .........
سعيد:عيل برايك الحين ماروم أتكلم خلاص احس عمري تعباااااااااااااان .....حشة أكره أتريا شىء اكرهههه ..
حمدان:هههههه ..ما علية الحمد لله كل شىء بخير .......

بعد 4 شهور ونص ..خلاص خطبو نورة لحميد وأبوها وافق وانقصو علىكل شىء ..وحددو العرس في شهر 7 وبالتحديد 1/7/2004 ..
وذياب إحتشر على أهلة كيف يخطبون لحميد وهو لا ..وما رامولة ...يلس يحن لين ما خطبولة وكانت إلى يباها سلامي..بس ماطاعو أول شىء لانها محيرة لولد عمها وسلطان ما طاع لأنة يباها..فإستوت حشرة كبيرة على هالسالفة ..لين بعدين تدخلت أم سالم..وحلت المشكلة لأنها بتيوز سلطان لوحدة تقربلها سلطان ماطاع أول شىء بعدين وافق..وطول هالمدة ذياب محتشر ويتحلف وما بياخذ أي وحدة لو ما خذ سلامي وسلامي تصيح ماتبا حد غير ذياب..عاشت مأساه..وبعد هي إستوت خطبتها بعد نورة بإسبوع..والعرس في شهر 7 بس آخر 7 بتاريخ29 /7/ 2004 ..عاد سعادتهن ما توصف..خذن إلى يتمننه..
وسعيد يوم عرف هالسالفة كلها إحتشر كيف ذياب بعرس وهو أصغر عنة..وأم سالم كلة إلا سعيد سارت وخطبتها بس عاد مش خطوبة رسمية بس كلام..بعد سنة ونص بكون عرسهم وجيه ماقال شىء سعيد...المهم مى ماحد بياخذها غيرة..

أممممممم ماحد بقا غير بطل هالرواية ..حمد وموزه..كل هاي الأشياء إستوت موزه ما حاسة بإلي يصير عايشة حالة ماحد عاشلها برووووحها معتزلة عن الناس ما تكلم حد بس بوها وسلامي ونورة ومى ضعفت بشكل فضيع..ماحد يعرف السبب غير البنات ..
ما خلو مكان ما ودوها مستشفيات البلاد وبرى البلاد ..وأصرت أم سالم يودونها عن مطوع وودوها بس ماشىء فايدة ..بس تيلس في حجرتها وتكتب الرواية ..طوول اليوم بس على الرواية ما عندها شىء غيرها ..الجامعة تركتها بسبت حالتها ..
أبوها وأمها منهارين من إلى صار لبنتهم ..
حمدان مايحب إيي البيت بس عشان موزه يوم يشوف حالتها تدمع عيونة ..عاجز مايعرف شو يسوي بها..كله بسبت حمد..
حمد يوم ظهر من العناية يلس في لندن أسبوعين ..بعدين رد البلاد ...ويلس بالضبط 46 ساعة ورد لندن مرة ثانية ليش ماحد يعرف شو السبب....حتى أمه وأموه ما يعرفون ليش ويلس في لندن طووووول هالمدة..وموزه تترياه بس للأسف ما شافتة من آخر مرة يوم كانو في لندن..ظهرت إشاعات علية وااااااااايد..وأول إشاعه أنة مزوج وحدة من زمان عشان جيه دومة في لندن..وحد قال أن مزاعل ويا أبوه فطردة وسار لندن ..وحد قال أنة مضارب عشان الشغل وعيال عمة ..كلام واااااايد ظهرو علية ..
والناس يوم يلقون سبب ما يرحمون حد.....وكانت كل إشاعة الناس يتكلمون فالبنات يسمعن أهلهم فكانن يتكلم في الجامعة وبنغزنها بالرمسة..إنهارت ما قدرت تستحمل..صح الناس صدقها ليييييييييش تركنا ورد البلاد؟؟؟؟؟؟؟؟؟؟.... كل ما أسأل بويا عنة يقوولي عنده شغل شو هالشغل إلى ما يخلص؟؟؟؟؟؟...كل بنات عمي بيزوجن أنا لااااااااااااااا ....كل وحدة بتاخذ إلى تحبة وأنا لا.........على الأقل أريد أعرف شو السبب؟؟؟؟؟؟؟؟؟؟؟؟؟؟؟؟؟.......أكيد شرد عني مايريد يزوجنى بس كان يلعب بعواطفي هذا بس كان همة ... وين حبة ؟؟؟؟؟...وين كلامة ؟؟؟؟؟....ليش الحين يوم أنا محتاجة له سار عني؟؟؟؟ليش؟؟؟؟....حراااام عليك ياحمد حرام عليك.........ويلست تصيح......
دخلت أمها لقتها فوق الشبرية وتصيح...................
أم حمدان:يا بنتي الله يهديج ليش صيحين؟؟؟؟؟؟؟؟؟؟شو فيج؟؟؟والله أنج تعورين قلبي يوم أشوفج جيه حرام عليج..والله تعذبيني يوم أشوفج تصيحين قولي شفيج؟؟؟
موزه:ماااااااشىء مافيني شىء ...اريد أرقد...........
أم حمدان:والله يا موزه ...ماعرف شو أسوي .......قولي شو تبينة والله إلى تبينة منسويه ...
موزه:أماااااايااااااااا ماريد شىء مااااريد........
ظهرت أم حمدان................وبعد 10 دقايق....دقت سلامي.......
سلامي:ألووووووو........
موزه:هلااااااااا
سلامي:شحالج الدبه؟؟؟؟؟؟
موزه:بخير.......
سلامي:موزوه شو رايج اليوم إتيب بيتنا؟؟؟
موزه:ماريد....
سلامي تباها تظهر ..تباها تنسى تباها ترد مثل لول:موزه ....اليوم بتي مى ونورة تعالي..
موزه:ماريد أشوف حد ........أبا أرقد مع السلامة ...............
سكرت عنهن ......وهاي حالتها لين ما يا يوم عرس نورة .........عرس نورة بنت عمها ما حظرتة لأنها كانت في المستشفى الصبح لقوها مغمى عليها وودوهاالمستشفى فيها فقر دم .....وخلوها يوم كامل في المستشفى..في العرس الناس كلهم يسألون عنها يقولون أنها مريضة ..أم حمدان تكره يوم يسألون عنها ....لأنهم يعرفون أنها مريضة بس غلاسة الناس غريبة يحبون القيل والقال ...بس كان عرس نورة فخم وووووواااايد حلو ..الكل مدح العرس..وحتى نورة كانت تخبل ....والبنات كل وحدة أحلى عن الثانية ....... خلص العرس الساعة 12 ظهرو المعازيم ....بس بقو الأهل ...والتصوير..أم حمدان من خلص العرس سارت عند بنتها لأن ماحد عندها غير ميري مارامت تودر العرس ....فيوم خلص العرس سيدة سارت المستشفى وبوها وبعدين فليل دقو أهلها عشان يشوفون البنت شحالها....بس الحمد لله بخير ..سلامي طووووووول الليل تصيح ما تعرف شو سوي؟؟؟؟؟؟...ربيعتها وأختها بتموت بين إيدينها ..وهذا النذل يتحوط في لندن ..ويا المرغده ..ماعنده دوم ما يرحم حد؟؟؟؟؟؟؟؟؟؟؟....مايرحم هالمسكينة ؟؟؟؟...مايخاف ربة ؟؟؟؟؟؟؟؟.....يوم يلعب عليها ليش يوهمها بحبة؟؟؟؟؟....من الضيجة دقت له معاد أن موزه محلفتنها ماتخبر حد سبب مرضها ولا دق لحمد ولا تقولة شىء ....دقت له ..بس ماحد شلة ..يعلةا لنفاد ماشلة ...يعرف لو شلة لكسر التيلفون على راسة .....
يلست موزه على هالحال ..لين أسبوع عرس سلامي....يوم الأربعاء........سلامي وكل بنات خالاتها وبنات عماتها وعمها موجودات في البيت يتحنن كلهن عند سلامي ....سلامي فرحتها مب مكتملة ....تصيييييح..كل ماتذكر موزه تصيييييح..حرام عليج ياموزه ....ليش ما بتيلسين وياي وتشاركين هالفرحة ليش؟كانت كل شوي تشوف الباب تترياها تحدر عليها بإبتسامتها إلى ما تفارقها .....بس للأسف ما يت موزه .........
فليل يوم كل الناس سارو يلست سلامي في غرفتها تصيييييييييح باجر عرسي وأغلى ربيعة عندي وإخت ما بتحضرة .. آآآآآآآآآآآآآآآآآآآآه يا الدنيا كيف قاسية .............يالسة طالع حناها ....خلت إيدنها على ويها وصيح ...شلت تيلفونها ...ودقت لموزه ...
سلامي تصيح:.......................
موزه..تسمعها وصيح:........................
سلامي:موزوه ..حرام والله حرام أنا بنت عمج ...ليش ما يتي ؟؟؟؟؟؟؟؟؟....كنت أترياج كل دقيقة وكل ثانية والله حرام وصييييييييييييح..
موزه:........................
سلامي:موزوه ....كنت بس اريدج تكونين عندي والله أتمنا بس تكونين عندي .....موزوه ....موزه والله محتايتلج واااااااااااااااااااااااااااايد بشكل ما تخيلينة ..........موزه تذكرين يوم كنا يهال؟؟؟؟؟؟؟؟....كنا نقول منكون مع بعض في العرس وكيف كنا نسولف وشو منسوي وكل وحدة شو بكون شكلها يوم تعرس وبصوريني ....تذكرين؟؟؟؟
موزه صييييييييييييح: .................
سلامي:تذكرين يوم كنا في الصف الرابع يوم نكتب عن فستان العرس كيف نباه؟؟؟؟؟؟؟؟؟.....ويوم أول مادخلنا الجامعة يوم يقولولنا هاي عروس كنا نقول حظها عرست ...وأنا وإنتى كنا نفكر شو نسوي ووين منفصل فساتين العرس وكيف بكون عرسنا ونبا ناخذ إخوان عشان نكون مع بعض...........موزوه والله أني زعلانة ......دخيلج فرحيني في يوم عرسي وحضري العرس...دخيلج....
موزه: .......................
سلامي.....تصيح والله يقطع صياحها القلب: موزوه الله حرمنى من الخوات وماعندي غيرج ....موزه بس اريدج تحضرين عرسي بس هذا إلى أريده ..............وتصبحين على خير......
وسكرت عنها ..........ويلست تصيح موزه..هي ماتريد تظهر من البيت كرهت الناس وكرهت الدنيا ومن تشوف حد تصيح....عشان جيه ماتحب تظهر من بيتها ...وحتى لدرجة قالو عنها الناس إستوت خبلة ... ....
والصبح ..الساعة 7 دقت تيلفون لسلامي............
موزه:ألووووووو..
سلامي تصيح:هلاااااااااااا...
موزه:......................
سلامي:موزه لو ما تبين إتين العرس عادي بس أريد أسولف وياج .....
موزه: ..............................
سلامي تمسح دموعها...:ههههههههههههههه..بخبرج .....اليوم أحس ريولي ما تشلني .موزوه بطني يعورني .......
موزه:هههههههه..الله يعينج........
سلامي:موزوه شفتي البطاقة؟؟؟
موزه:...............لا........
سلامي:ماشفتيها؟؟؟؟؟؟
موزه:لا أنا ماطلع من حجرتي.....
سلامي:........هههههههه خلصتيها روايتج ولا بعدج؟؟؟؟؟؟
موزه:هههههههههههههه إن شاءالله اليوم فليل بخلصها........
سلامي:إنزين مادام ما تظهرين من قصرج بوصفلج البطاقة ......
موزه:ههههههههه....يالله تذكرين يوم كنا نقول نحن منصمم البطاقة؟؟؟؟؟؟؟..
سلامي:ههههههههههههه ...أذكر .....
موزه:يالله قولي كيف شكلها ......أووووووه عن أنسى يودي وحدة أريد أحتفض فيها.......
سلامي:أوكية أنا عندي 5 ......بطرشها لج......
موزه:إنزين ..كيف شكلها..........
سلامي:هيه صندوق لونة أبيض فيه فراش من فوق تقدرين تمسكيهن الفراش ثلاث وحدة لونها وردي والثانية أصفر فاتح والثالثة زرقة سماوي......يحتن على وردة ويوم تفجين هالوردة مكتوب فيها أفراح ال......ي......
موزه:ياااااااااااااااي حلوة ..........
سلامي:ههههههههههه عيل لو شفتي من داخل شو بتقولين .....
موزه:ههههههههههههه..يوم برى جيه داخل كيف؟؟
سلامي:من داخل يوم تفجين الصندوق فوق مكتوب قصيدة كاتبنها ذياب وخلفيتها شكل خريف بس الشير يكونن شوي بارز والكتابة باللون الذهبي وكأن ورق الشير لاصق عليهن .....ومن داخل الصندوق وين يكتبون تتشرف عائلة السيد ...يكون على شكل الشتاء ...وفيه رجل الثلج شوي بارز .....بس الألوان كلها متناسقة ....يعني البطاقة يوم تشوفينها فصول الأربعة فيها .....
موزه:واااااايد حلو شكلها ..........
سلامي:هيه تخبلت عليها .........وكلهم عيبتهم فكرت البطاقة ...بس يقولون العرس أحلى.....تعالي موزوه.........
موزه: ........................................
سلامي:موزه ما بضغط عليج بس لو تشوفين عمرج تقدرين تعالي ...دخيلج .........
موزه:بفكر.................
سلامي:إنزين الحين بسير .....بس موزوه لو تبين تحظرين العرس قوليلي عشان أطرش لج مالت المكياج ......
موزه:بفكر.......................
حليلج يا سلامي .......اليوم عرسج ....الكل مرتبش....والرياييل بعد ....من العصر سايرين ......وعند المغرب كانت سلامي تتجهز .....وكانن عندها نورة ومى وبنات خالاتها.......وكل ما يخلص المكياج تصيح ويعيدنه ..تلعوزت راعية المكياج ......تصيح مش عشان العرس تصيح على موزوه ..........آخر شىء خلاص الساعة 9 ونص........ركبو السيايير البنات سارن أول شىء ........العرس..كان مثل البطاقة الفصل الأربعة موجودة في العرس...أول عند الباب يبدا فصل الصيف ..كان كل شىء يدل على أنة صيف ..الطاولات وشراشف الطاولات ..وكانت الأرضية من حصى لونة بني غامج ....وكان ديكورة على اللون الرمل ....بعدين فصل الخريف ....كانت شراشف الطاولات مرسوم عليهن وفوط وكان يطيع من فوق أوراق لونه بني وفي على الزوايا شير أوراقه طايحة .....وبعدين فصل الشتاء وكان على الأطراف رجل الثلج ....ومن فوق يطيح فلين على شكل الثلج .....ونفس الشىء الطاولات على دزاين الشتاء..بعدين فصل الربيع ....كل طاولة عليها عصافير ..ويكون الأرضية ملونة بلون ورود الصيف .....ومن فوق يطيح روق الورد ..........يوم دخلت العروس بندو الليتات وكانت كل طاولة عليها شمعة كبيرة فكانن هن عاطيات ديكور للعرس وليت ولليزر على العروس والورق والثلج والورد يطيح فوقها يوم تمر على كل فصل ويعدين المعازيم يوم وصلت فصل الربيع طيرو العصافير ..
كانت سلامي رووووعة ملاك يمشى من جمالها ...كل الحريم تخبلن على فستانها ومكياحها وحركات فستانها ......كانت مفصلتنه عن زهير مراد بس الملفت فيه كان ذيلة طويييييييييييييييييييييييييل وطرحتها ...بس كان العرس روووووووووووعة حركاتة غريبة ومتناسقة ....
أما الرياييل فكان عندهم الرزفة والعيالة ....ويايبين نعاشات مغربات فهم بعد مرتبشين ....فكان حتى هم الجو عندهم يخبل ..على الساعة 11 ونص .....دخلت وحدة بفستان وردي فاتح مسوية تسريحة بسيطة على شعرها الكستنائي وكانت هي بعد لابسة مثل الطرحة وعلى نفس الفستان وكانت تمشي مثل العروس وكل الحريم لفن صوبها من جمالها وكيف كانت ملفته..بلبسها ومشيتها كانت واثقة من عمرها ..ولا عليها من حد..من شافتها سلامي قامت ....سارت عندها وباركتلها ..وحضنتها سلامي من الفرحة .......وبعدين نزلت ويلست عند قوم مى ونورة والبنات كل وحدة من شافت موزه سارن وسلمن عليها ومستانسات عليها..والحريم كل وحدة عدال راس وحدة ومنصدمات أنها موزه ....ما توقعنها بهالجمال ........وبعدين سارن وصورن وياها..وعلى 12 ونص.عاد المعرس خلاص بشل عروسة وبيصورون في بيتهم ...ظهرن البنات أما الأهل يلسو ...يوم دخل المعرس إستوت اليواله في العرس خلاص ماحد موجود ....لين الساعة 1 بعدين ظهرو الأهل..يوم ظهرو ظهرت موزه بس عاد ظيعت أمها لأن كانت متغشية..قالت بظهر لأن ماحد بكون برى غير هليا ..ظهرت ......يوم كانت بتظهر شافت واحد عند باب كان ماسك ياهل صغير..
وقفت..فجت الغشوه..يوم دققت لقتة حمد.....حمد!!!!!!!!!! بعد كل هالشهور؟؟؟؟؟؟؟..وين كنت ؟؟؟؟؟؟؟؟؟؟؟؟؟؟؟؟؟؟؟......ليش الحين ؟؟؟؟؟؟..دارت الدنيا فعيونها.......يلست على اقرب كرسي.....غمضت عيونها لا انا أحلم هذا مب حمد .........قامت مشت لين عنده .......بعدها ما مصدقة..لا حمد مستحيل ..بس ماحد سار .......يلست تلف يمين ويسار ما لقتة......كنت أحلم .......ماحد .....ماحد...ظهرت ولقت أخوها سلطان...شافها تعبانة ....شالها البيت بسرعة..نزلها ......بعدين دقت أمه لأن ماحد بردها سار إييب أمه....دخلت الصالة ...يلست على الكرسي...بعدين قالت للخدامة إتيب لها ماي .....يوم خطفت على مكتب أبوها ....شافت لاب توب ...سارت تفج ....شافت الرواية ..رواية !!!!!!!! هاي الرواية حزينة ليش أكتبها ؟؟؟؟؟؟؟؟؟؟......ما بدلت ملابسها .........فجت الصفحة الأولي ويلست تقراها..حفظت كل سطر وكل كلمة من كثر ما تقراها .....رفعت عيونها ....لقت حمد ...............حمد..... قامت ودموعها في عيونها ...
موزه:أنت!!!!!!!!!!!!!!!!!!!!!!!!!!!!!!!! ليش ياي؟؟؟؟؟؟؟
حمد....ويه تعبان ....عيونة إلى يشوفهن يعرف كل شىء عن حالة وعن الشهور إلى غاب فيهن :موزه......................
موزه .......صيح:شو تبا؟؟؟؟؟؟؟؟؟؟؟؟؟؟؟؟؟؟؟؟؟..ليش يااااااااااااااااااااي؟؟؟؟؟؟؟؟؟؟
حمد.......: موزه لا تعذبيني ...
موزه:أنت لا تعذبني.. أنا يلست أترياك طول هالهور..حتى تيلفون ما رفعت وتسأل عن وحدة أسمها موزه..ليش ياي؟؟؟؟؟؟؟؟؟؟؟؟؟؟؟؟....كمل حياتك مع إلى تحبها ..
حمد:أنا ما حبيت غير وحدة وبس.....
موزه:بسسسسسسسسسسسسسسسسسسس......بسسسسسسسسسسسسسسسس جذب ........ماريد أسمع شىء منك.........
حمد..تقرب منها: موزه أنا غبت عشان أني كنت مريض..موزه يوم رديت من العلاج قالولي أنج مخطوبة لواحد ثاني كرهت حياتي كرهت دنيتي..شردت من البلاد ....شردت مااااريد أسمع شىء عنج ولا أعرف شىء عنج.. طول هالشهور كنت مريض بسبت التفكير ...سويت مرة ثانية عملية ........لو ماصدقين بعطيج رقم الدكتور وكلميه..
موزه........سكتت :كل هذا ؟؟؟؟؟؟؟؟؟؟؟؟..........ليش ما تأكدت؟؟؟؟؟
حمد:كلهم قالو الخبر صحيح ......سألت ..........
موزه:لااااااااااااا .......أنا ماكنت بوافق........
حمد:موزه أنا مادري أحس اني حتى ماروم أتكلم ......والله يشهد على كلامي...
موزه تصييييييييييييييييح:سبااااااااااااااااااااال ...سبااااااااااال ...كم ليلة يلست أصيحها بسبتك ............كل دقيقة وكل ثانية أشوفك بين عيوني......حفظت قصايدك ...........
وصيح..........سار عندها .......
حمد:موزه سامحيني .........سامحيني........
موزه تصيح من الخاطر..حضنها وصاح.. تعذب هو وتعذبت هي بسبت جذبة ما إستوت صح حد خطبها بس ما وافقو وعاد حمد ما تكلم ولا قال يبا بنت عمة.. فمرض من الحالة النفسية ...........
حمد:موزوه لا صيحين ....
موزه:آآآآآآآآه يا حمد .. لو بس تعرف شكثر أحبك ما بتقولي لا صيحين .....
حمد:أدري ..وأنا أحبج ....ووعدج ما أخليج ولا أبتعد عنج.............وين عمي؟؟؟؟؟؟؟؟؟
موزه:يمكن في الصاله ...
حمد......يمسح دموعها: لا صيحين ............
يوم ظهر حمد ....سارت موزه عند الاب توب وكتبت كلمة وحدة وظهرت ...............